தமிழ்நாட்டின் சிறந்த மாநகராட்சி தஞ்சாவூர் : திருச்செங்கோட்டுக்கும் பரிசு

சிறந்த மாநகராட்சி விருதினை தஞ்சாவூர் பெற்றுள்ளது. சிறந்த நகராட்சி பட்டியலில் உதகைக்கு முதலிடம், திருச்செங்கோடு மற்றும் சின்னமனூர் அடுத்தடுத்த இடங்களை பிடித்துள்ளன.

சுதந்திர தினத்தன்று முதலமைச்சர் மு.க.ஸ்டாலின் இதற்கான விருதுகளை வழங்குகிறார்.

சிறந்த பேரூராட்சிகள் பட்டியலில் திருச்சி மாவட்டத்தின் கல்லக்குடி முதலிடத்தையும், கடலூரின் மேல்பட்டாம்பாக்கம் 2ம் இடமும், சிவகங்கையின் கோட்டையூர் 3ம் இடமும் பிடித்துள்ளன.

சிறந்த மாநகராட்சிக்கு ரூ.25 லட்சமும், முதல் 3 இடங்களை பிடித்த நகராட்சிகளுக்கு முறையே ரூ.15 லட்சம், ரூ.10 லட்சம், ரூ.5 லட்சமும், முதல் 3 இடங்களை பிடித்த பேரூராட்சிகளுக்கு முறையே ரூ.10 லட்சம், ரூ.5 லட்சம், ரூ.3 லட்சமும் பரிசாக முதலமைச்சரால் வழங்கப்படும்.