/* */

கோழிப்பண்ணையில் ஏற்பட்ட தீ விபத்தில் 2740 கோழிகள் தீயில் கருகி உயிரிழப்பு..!

குமாரபாளையம் அருகே கோழிப்பண்ணையில் ஏற்பட்ட தீ விபத்தில் 2,740 கோழிகள் தீயில் கருகி உயிரிழந்த நிலையில், விபத்து குறித்து பள்ளிபாளையம் போலீசார் வழக்கு பதிவு செய்தனர்.

HIGHLIGHTS

கோழிப்பண்ணையில் ஏற்பட்ட தீ விபத்தில் 2740 கோழிகள் தீயில் கருகி உயிரிழப்பு..!
X

தீயில் கருகிய கோழிப்பண்ணை விவசாயிக்கு ஆறுதல் கூறிய முன்னாள் அமைச்சர் தங்கமணி.

குமாரபாளையம் அருகே கோழிப்பண்ணையில் ஏற்பட்ட தீ விபத்தில் 2,740 கோழிகள் தீயில் கருகி உயிரிழந்த நிலையில், விபத்து குறித்து பள்ளிபாளையம் போலீசார் வழக்கு பதிவு செய்தனர். சம்பவ இடத்திற்கு முன்னாள் அமைச்சர் தங்கமணி நேரில் சென்று ஆறுதல்.கூறினார்.

குமாரபாளையம் அருகே உள்ள களியனூர் கிராமத்திற்கு உட்பட்ட வெள்ளப்பாறை என்னும் கிராமத்தில் விவசாயி கருப்பண்ணன் என்பவர் தனது விவசாய நிலம் அருகே 2 கோழி பண்ணை செட் அமைத்து ஐயாயிரத்துக்கும் மேற்பட்ட கோழிகளை வளர்த்து வருகிறார். நேற்று காலை 08:00 மணி அளவில் வழக்கம் போல் தனது கோழிகளுக்கு குடிநீர் மாற்றி வைத்துவிட்டு வெளியே வந்த பொழுது, ஒரு கோழி பண்ணை பகுதியில் இருந்து லேசான புகை மட்டும் வெளிவந்துள்ளது.

தீயில் கருகிய கோழிப்பண்ணை

இதனால் அதிர்ச்சி அடைந்த கருப்பண்ணன் உள்ளே சென்ற பொழுது லேசான புகை என்பதால் தண்ணீர் எடுத்து வீசி புகையை கட்டுப்படுத்த முயற்சி செய்து உள்ளார். ஆனால், புகையானது தீயாக பரவி அந்த செட்டு முழுவதும் பரவியது. தீ விபத்து குறித்து தகவல் அறிந்த வெப்படை தீயணைப்புத் துறையினர் விரைந்து வந்து தண்ணீர் ஊற்றி தீயை கட்டுப்படுத்தினர்.

ஆனால் சுமார் 3,000 சதுர அடியில் அமைக்கப்பட்ட கோழி பண்ணையில் வளர்க்கப்பட்டு வந்த 2,740 கோழிகள் தீயில் கருகி உயிரிழந்தன. தீ விபத்து குறித்து பள்ளிபாளையம் போலீசார் வழக்கு பதிவு செய்து, மின்கசிவால் ஏற்பட்ட தீ விபத்தா? அல்லது வேறு ஏதேனும் காரணமா? என விசாரணை மேற்கொண்டு வருகின்றனர்.

மேலும் சம்பவம் குறித்து தகவல் அறிந்த முன்னாள் அமைச்சரும் குமாரபாளையம் சட்டமன்ற உறுப்பினருமான தங்கமணி சம்பவ இடத்திற்கு நேரில் வந்து தீ விபத்தில் ஏற்பட்ட இடத்தினை பார்வையிட்டார். மேலும் தீ விபத்தினால் பாதிக்கப்பட்ட கருப்பண்ணனுக்கு ஆறுதல் கூறினார். பாதிக்கப்பட்ட கருப்பண்ணனுக்கு வருவாய் துறையினர் மூலம் நிவாரணம் வழங்க அதிகாரிகளுக்கு அறிவுறுத்தினார்.

Updated On: 16 May 2024 5:00 AM GMT

Related News

Latest News

  1. மேலூர்
    மதுரை அருகே செயல்படாத கல் குவாரிகளில் பள்ளங்களை மூட கோரிக்கை
  2. குமாரபாளையம்
    நடுவழியில் பழுதாகி நின்ற அரசு பேருந்து; ஏலேலோ ஐலசா போட்டு தள்ளிய...
  3. லைஃப்ஸ்டைல்
    40 வயதிலும் இளமையாக இருக்க என்ன செய்யணும் தெரியுமா?
  4. லைஃப்ஸ்டைல்
    கேரளா ஸ்டைலில் ருசியான மீன் குழம்பு செய்வது எப்படி?
  5. கிணத்துக்கடவு
    கோவையில், லாரி ஓட்டுநர்களிடம் வழிப்பறி செய்த 5 பேர் கைது
  6. லைஃப்ஸ்டைல்
    எருமைப் பாலில் இத்தனை ஆரோக்கியமான விஷயங்கள் இருக்குதா?
  7. லைஃப்ஸ்டைல்
    உங்களுக்கு சர்க்கரை நோய் இருக்கிறதா என்று எவ்வாறு கண்டறிவது?
  8. லைஃப்ஸ்டைல்
    குழந்தைகளுக்கு தீக்காயம் ஏற்பட்டால் செய்ய வேண்டியது என்ன?
  9. சூலூர்
    சூலூர் அருகே 2.5 கிலோ கஞ்சா பறிமுதல் ; 3 பேர் கைது
  10. லைஃப்ஸ்டைல்
    சில நேரங்களில் கை, கால் உணர்வில்லாமல் போகிறதா? - அதற்கு காரணம் இந்த...