நாமக்கல்லில் 36 தபால் அலுவலகங்களில் ஆதார் பதிவு, திருத்த சிறப்பு முகாம்

நாமக்கல் கோட்டத்தில் உள்ள தபால் அலுவலகங்களில் ஆதார் பதிவு மற்றும் திருத்தம் செய்யும் சிறப்பு முகாம்கள் நடைபெற்று வருகிறது.

நாமக்கல் அஞ்சல் கோட்டத்தில், நாமக்கல் மற்றும் திருச்செங்கோடு 2 தலைமை தபால் அலுவலகங்கள் மற்றும் 36 துணை தபால் அலுவலகங்கள் உள்ளன. இங்கு தற்போது ஆதார் பதிவு மற்றும் திருத்தம் செய்யும் சிறப்பு முகாம்கள் நடைபெற்று வருகின்றது.

இங்கு 5 வயதிற்கு உட்பட்ட குழந்தைகளுக்கு புதிதாக ஆதார் அட்டை எடுத்தல். ஏற்கனவே எடுக்கப்பட்ட ஆதார் அட்டையில் முகவரி மாற்றம் , பிறந்த தேதியில் திருத்தம், தொலைபேசி எண் மற்றும் இமெயில் முகவரி சேர்த்தல் போன்ற வசதிகளை பெற்றுக்கொள்ளலாம். புதிதாக ஆதார் அட்டை எடுக்க கட்டணம் ஏதும் செலுத்த தேவை இல்லை. 5 வயது மற்றும் 15 வயது முடிந்து தங்களின் கைரேகை மற்றும் கண் கருவிழிகளை புதிதாக பதிவுசெய்பவர்கள் கட்டணம் செலுத்தத் தேவை இல்லை. மற்ற வயதினர்களுக்கு ரூ.100/- கட்டணம் செலுத்தவேண்டும். ஆதார் அட்டையில் முகவரி மாற்றம் , பிறந்த தேதியில் திருத்தம், தொலைபேசி எண் மற்றும் இமெயில் முகவரி சேர்த்தல் போன்ற திருத்தம் செய்ய வேண்டுபவர்கள் ரூ.50/- செலுத்தவேண்டும். தொலைபேசி எண், மற்றும் இமெயில் திருத்தம் செய்ய துணை ஆவணங்கள் ஏதும் தேவையில்லை. பிற திருத்தங்களை மேற்கொள்பவர்கள் தகுந்த ஆவணங்களை கொண்டுவரவேண்டும் .

பொதுமக்கள் தங்களுக்கு அருகில் உள்ள தபால் அலுவலகங்களை அனுகி தங்களுக்கான சேவையை பெற்றுக்கொள்ளலாம் என்று அஞ்சல் கோட்ட கண்காணிப்பாளர் தெரிவித்துள்ளார்.