நாமக்கல் அரசு ஆஸ்பத்திரிக்கு மருத்துவ உபகரணங்கள் வழங்கல்

நாமக்கல் நகர முக்கிய பிரமுகர்களின் சார்பில் அரசு ஆஸ்பத்திரிகளுக்கு தேவையான ரூ.3.20 லட்சம் மதிப்பிலான உபகரணங்கள் வழங்கப்பட்டன.

நாமக்கல் நகரைச் சேர்ந்த முக்கிய பிரமுகர்களின் நன்கொடை மூலம், அரசு ஆஸ்பத்திரிக்கு தேவையான மல்டி பாரா மீட்டர்கள், இ.சி.ஜி. கருவிகள் மற்றும் வாட்டர் ஹீட்டர்கள் ரூ.3.21 லட்சம் மதிப்பில் வாங்கப்பட்டுள்ளது. மாவட்ட கலெக்டர் ஆபீசில் நடைபெற்ற நிகழ்ச்சியில் இந்த மருத்துவ உபகரணங்கள் கலெக்டர் ஸ்ரேயாசிங்கிடம் ஒப்படைக்கப்பட்டன. அரசு டாக்டர் ரங்கநாதன், ரெட்கிராஸ் செயலாளர் ராஜேஷ்கண்ணன், ரோட்டரி சங்க பிரமுகர்கள் செல்வரத்தினம், ராஜ்குமார், நாமக்கல் கவிஞர் பேரவை மோகன், யுனைடெட் வெல்பேர் டிரஸ்ட் நடராஜன், சிவகுமார், சிவராஜ், கண்ணன் உள்ளிட்டவர்கள் இந்நிகழ்ச்சியில் கலந்துகொண்டனர்.