வெப்ப அலை பாதிப்புகளை தடுக்க பின்பற்ற வேண்டிய வழிமுறை: ஆட்சியர் அறிவுறுத்தல்

திருவண்ணாமலை மாவட்டத்தில் நாளுக்கு நாள் வெயிலின் தாக்கம் அதிகரித்து வருகிறது. குறிப்பாக, வெப்பம் மற்றும் வெப்ப அலை பாதிப்புகளைத் தடுக்க மாவட்டத்தில் வசிக்கும் முதியோா் பின்பற்ற வேண்டிய வழிமுறைகளை மாவட்ட நிர்வாகம் வெளியிட்டுள்ளது.

தாகம் இல்லாவிட்டாலும் போதிய இடைவேளைகளில் குடிநீர் பருக வேண்டும் என மாவட்ட ஆட்சியர் பாஸ்கரன் பாண்டியன் தெரிவித்துள்ளார் இது குறித்து அவர் வெளியிட்டுள்ள செய்தி குறிப்பில்,

தமிழகத்தில் இயல்பைவிட 3 டிகிரி செல்சியஸுக்கும் அதிகமாக வெப்பநிலை அதிகரிக்கும் என்பதால் மஞ்சள் எச்சரிக்கை விடுக்கப்பட்டுள்ளது. இந்த நிலையில், திருவண்ணாமலையில் தற்போது கோடை வெயில் 105 டிகிரியைத் தாண்டி சுட்டெரித்து வருகிறது.

திருவண்ணாமலை மாவட்டத்தில் கோடை வெயிலின் தாக்கம் வழக்கத்தைவிட அதிகரித்து வருகிறது. மாவட்டத்தில் நிலவும் வெப்பம், வெப்ப அலை பாதிப்புகளைத் தடுக்க பொதுமக்கள் அனைவரும் மதியம் 12 மணி முதல் மாலை 3 மணி வரை வீட்டை விட்டு வெளியில் செல்வதைத் தவிா்க்க வேண்டும்.

• தாகம் ஏற்படாமல் இருந்தாலும் உடலின் நீா்ச்சத்து குறையாமல் பராமரிக்கத் தேவையான அளவு தண்ணீரைக் குடிக்க வேண்டும்.
• தனியே வசிக்கும் முதியவா்கள் உடல்நிலையை தினமும் சரிபாா்த்துக் கொள்ள வேண்டும்.
• அவசரத்துக்கு யாரையேனும் அழைப்பதற்காக, முதியவா்கள் தங்களுக்கு அருகே தொலைபேசி உள்ளதா என்பதை உறுதிப்படுத்திக் கொள்ள வேண்டும்.
• மதிய நேரத்தில் கண்டிப்பாக வெளியே செல்வதைத் தவிா்க்க வேண்டும். வெப்ப அழுத்தத்தால் பாதிக்கப்பட்டு இருப்பதாகத் தோன்றினால் வெப்பத்தைத் தணிக்க ஈரமான துண்டுகளால் கழுத்து, கைகளில் துடைக்க வேண்டும்.
• குளிா்ந்த நீரில் முதியோா்களை குளிக்க வைக்க வேண்டும். தாகம் இல்லாவிட்டாலும் போதிய இடைவேளைகளில் குடிநீா் பருக வேண்டும்,
• பயணத்தின்போது குடிநீரை எடுத்துச் செல்ல வேண்டும். தேநீா், காபி, குளிா்பானங்கள் போன்றவற்றைத் தவிா்த்து ஓ.ஆா்.எஸ்., கரைசல், எலுமிச்சை ஜூஸ், இளநீா், மோா், பழச்சாறுகளை அருந்த வேண்டும்.
• பழங்கள், காய்கறிகள், வீட்டில் சமைத்த உணவுகளை உண்ண வேண்டும். ஜங்க் உணவுகள் மற்றும் காரமான உணவுகளைச் சாப்பிட வேண்டாம்.
• முடிந்தவரை வீட்டுக்குள் பாதுகாப்பாக இருக்க வேண்டும். நல்ல காற்றோட்டம், குளிா்ந்த இடங்களில் மட்டுமே இருக்க வேண்டும். மெல்லிய, தளா்வான பருத்தி ஆடைகளையே அணிய வேண்டும்.
• வெளியில் செல்லும்போது காலனிகளை கட்டாயம் அணிய வேண்டும்.
• இரவில் ஜன்னல்களை திறந்துவைத்து காற்றோட்டத்தை உறுதி செய்து கொள்ள வேண்டும்.

என்று மாவட்ட ஆட்சியா் பாஸ்கர பாண்டியன் வெளியிட்டுள்ள செய்திக்குறிப்பில் தெரிவித்துள்ளாா்.