நெல்லையில் தேசிய வாக்காளர் விழிப்புணர்வு கோலப்போட்டி

தேசிய வாக்காளர் விழிப்புணர்வு நாளை முன்னிட்டு விழிப்புணர்வு கோலப் போட்டி நடைபெற்றது.

இந்திய அரசின் நேரு யுவகேந்திரா மற்றும் என் பி என் கே நல்லதை பகிர்வது நம் கடமை நண்பர்கள் மன்றம் மற்றும் திருநெல்வேலி மாவட்ட நுகர்வோர் விழிப்புணர்வு இயக்கம் ஆகியவை இணைந்து திருநெல்வேலி டவுண் லிட்டில் பிளவர் மெட்ரிக் பள்ளியில் தேசிய வாக்காளர் தின விழா நடைபெற்றது.

இதில் வாக்காளர் விழிப்புணர்வு கோல போட்டியை சிறப்பாக நடத்தியது. 50க்கும் மேற்பட்ட போட்டியாளர்கள் கலந்து கொண்டு தங்களுடைய வண்ண-கோலங்களால் வாக்காளர் தின விழிப்புணர்வுவை சிறப்பாக வெளிப்படுத்தி இருந்தனர். கோலப் போட்டியில் முதல் பரிசை பாளையங்கோட்டை காமாட்சி, இரண்டாம் பரிசை என்.ஜீ.ஓ காலனி வேதிகா மற்றும் மூன்றாம் பரிசை தூத்துக்குடி பாகம் பிரியாள் ஆகியோர் பெற்றனர்.

விழாவிற்கு தலைமையேற்று நெல்லை வருவாய் வட்டாட்சியர் சண்முக சுப்ரமணியன் பரிசுகளை வழங்கி கவுரவித்தார். லிட்டில் பிளவர் கல்வி குழும சேர்மன் அ.மரியசூசை சிறப்புரை வழங்கினார். நுகர்வோர் விழிப்புணர்வு இயக்க பொதுச் செயலாளர் முனைவர் கோ.கணபதி சுப்பிரமணியன் வாக்காளர் விழிப்புணர்வு உரை வழங்கினார்.

NPNK - நல்லதைப் பகிர்வது நம் கடமை நண்பர்கள் மன்றம். ஒருங்கிணைப்பாளர் எழுத்தாளர் மு.வெ.ரா, மற்றும் சமூக ஆர்வலர் கவிதா சங்கர் நடுவராக செயல்பட்டார்கள். விழாவிற்கான ஏற்பாடுகளை நேரு யுவ கேந்திரா சங்கர் மற்றும் மாரியப்பன். ஆகியோர் செய்திருந்தனர்.