நாமக்கல் அரசு மகளிர் பள்ளி மாணவிகளுக்கு பாலியல் தொல்லை: ஆசிரியர் கைது

நாமக்கல் மணிக்கூண்டு அருகில் அரசு மகளிர் மேல்நிலைப்பள்ளி உள்ளது. இங்கு 1000க்கும் மேற்பட்ட மாணவிகள் படித்து வருகின்றனர். பரமத்தி வேலூர் அருகில் உள்ள பொத்தனூரைச் சேர்ந்த மதிவானன் (52) என்பவர் இப்பள்ளியில், அறிவியல் ஆசிரியராக பணியாற்றி வந்தார்.

அப்பள்ளியில் 10ம் வகுப்பு படிக்கும் மாணவி ஒருவர், சம்பவத்தன்று தனது செல்போன் வாட்ஸ்அப்பில், பிறந்த தேதி மற்றும் இறப்பு தேதி (4.12.2021) எனக்குறிப்பிட்டு, நான் இறக்கப்போகிறேன் என்பதை மறைமுகமாக பதிவு செய்துள்ளார். இதைப்பார்த்து அதிர்ச்சியடைந்த சக மாணவியர் சக மாணவியர், சம்பந்தப்பட்ட மாணவியை, மொபைல் போனில் தொடர்பு கொண்டபோது, பதில் இல்லை. சந்தேகம் அடைந்து அவரது வீட்டுக்கு சென்றபோது, அந்த மாணவி தற்கொலை செய்து கொள்ளும் முயற்சியில் ஈடுபட்டது தெரியவந்தது.

மாணவியிடம் பெற்றோர்கள் விசாரித்தபோது, பள்ளியில் உள்ள அறிவியில் ஆசிரியர் தனக்கும் சில மாணவிகளுக்கும் பாலியல் தொல்லை கொடுத்து வருகிறார். வெளியே சொன்னால் தேர்வில் மதிப்பெண் குறைத்து விடுவேன் என மிரட்டுவதாக தெரிவித்துள்ளார். இதையொட்டி, அம்மாணவியின் பெற்றோரும், மேலும் சில மாணவிகளின் பெற்றோரும், சம்மந்தப்பட்ட ஆசிரியர் மீது நடவடிக்கை எடுக்கக் கோரி பள்ளி தலைமை ஆசிரியர் மற்றும் சிஇஓவிடம் புகார் அளித்தனர்.

இதையெடட்டி பள்ளி தலைமை ஆசிரியை பார்வதி, நாமக்கல் அனைத்து மகளிர் காவல் நிலையத்தில் புகார் செய்தார். புகாரின்பேரில் இன்ஸ்பெக்டர் சுமதி வழக்குப்பதிவு செய்து பொத்தனூர் வீட்டில் இருந்த ஆசிரியர் மதிவாணனை கைது செய்து விசாரணை நடத்தி செய்து வருகின்றனர்.