தொகுப்பூதியம் ரூ. 18 ஆயிரம் வழக்ககோரி ஆஷா பணியாளர்கள் கலெக்டரிம் மனு

ஆஷா பணியாளர் சங்கத்தினர் நாமக்கல் கலெக்டர் ஸ்ரேயா சிங்கிடம் வழங்கியுள்ள கோரிக்கை மனுவில் தெரிவித்திருப்பதாவது;

நாமக்கல் மாவட்ட சுகாதார மையங்களில் (சிஎச்சி) ஆஷா பணியாளர்களா 42 பேர் பணியாற்றி வருகிறோம். தேசிய கிராமப்புற சுகாதார திட்டத்தின் கீழ் 15 ஆண்டுகளுக்கும் மேலாக ஆஷா பணியாளர்களாக விடுப்பின்றி, ஓய்வின்றி 24 மணி நேரமும் மக்களிடையே நாங்கள் பணிபுரிந்து வருகிறோம்.

ஒன்றிய, மாநில அரசுகளின் அனைத்து சுகாதார மருத்துவ நலத் திட்டங்களையும் கிராமப்புறங்களில் அமுல்படுத்த நாங்கள் முழு பங்காற்றி வருகிறோம்.

கொரோனா பெருந்தொற்று காலத்தில் முன்களப் பணியாளர்களாக நாங்கள் அரசின் அனைத்து கொரோனா தடுப்பு திட்டங்களையும் கிராம மக்களிடை விழிப்புணர்வு ஏற்படுத்திட பணிபுரிந்து வருகிகின்றோம்.

ஆனால், எங்களுக்கு பணி நிரந்தரம் இல்லை. முறையான சம்மபளம் இல்லை. ஊக்கத் தொகை மட்டுமே வழங்கப்பட்டு வருகிறது. எங்களின் மாத வருமானம் ரூ. 2 ஆயிரம் முதல் ரூ. 3 ஆயிரம் வரை மட்டுமே. தற்போது அரசு துவங்கியுள்ள மக்களை தேடி மருத்துவம் திட்டத்தில் கிராமப்புறங்களில் நாங்கள் பணியாற்றி வருகிறோம்.

15 ஆண்டுகளுக்கு மேலாக சுகாதாரத்துறையில் கிராமப்புற நர்சுகளுக்கு நிகராக பணிபுரிந்து வரும் எங்களை சுகாதாரத் துறையில் தகுந்த பணிகளில் நிரந்தரப்படுத்தி உத்தரவு பிறப்பிக்க வேண்டும்.

ஊக்கத்தொகை மட்டுமே பெற்று வரும் எங்களுக்கு மாதம் ரூ 18ஆயிரம் தொகுப்பூதியம் வழங்கிட வேண்டும். கொரோனா தடுப்பு நடவடிக்கைகளை அமுல்படுத்துவதில் முழுமையாக ஈடுபட்டு வரும் எங்களுக்கு மிகச்சில மாவட்டங்களில் ரூ5ஆயிரம், சில மாவட்டங்களில் ரூ.3 ஆயிரம் வழங்கப்பட்டுள்ளது.

அனைத்து ஆஷா பணியாளர்களுக்கும் ரூ.25 ஆயிரம் கொரோனா கால நிவாரணமாக வழங்க வேண்டும். கர்ப்பிணிப் பெண்களை ஆரம்ப சுகாதார நிலையங்களுக்கும், ஆஸ்பத்திரிக்கும் அழைத்துச் செல்ல 108 வாகனம் கிடைக்காதப் பொழுது பஸ்களில் பயணம் செய்ய வேண்டியுள்ளது,

எனவே, மாவட்ட பஸ்களில் எங்களுக்கு இலவச பஸ் பாஸ் வழங்க வேண்டும் உள்ளிட்ட பல்வேறு கோரிக்கைகள் மனுவில் வலியுறுத்தப்பட்டுள்ளது.