நாமக்கல் மாவட்டத்தில் மின் நுகர்வோர் குறைதீர் கூட்டம்

இதுகுறித்து நாமக்கல் மின்வாரிய மேற்பார்வை பொறியாளர் பாலசுப்பிரமணியம் வெளியிட்டுள்ள செய்திக்குறிப்பில் தெரிவித்திருப்பதாவது:

நாமக்கல் மின் பகிர்மான வட்டம் சார்பில் மாதம் தோறும் வாடிக்கையாளர் குறைதீர்க்கும் நாள் கூட்டம் அந்தந்த கோட்ட அலுவலகங்களில், பொதுமக்களை நேரிடையாக சந்தித்து புகார் மனுக்களை பெற்று குறைதீர்க்கப்படுகிறது. இதன்படி ஜனவரி மாதத்திற்கான குறைதீர்க்கும் நாள் கூட்டம் வரும் 5ம் தேதி புதன்கிழமை மாலை 3 மணிக்கு நாமக்கல் செயற்பொறியாளர் அலுவலகத்திலும், 12ம் தேதி புதன்கிழமை மாலை 3 மணிக்கு பரமத்தி வேலூர் செயற்பொறியாளர் அலுவலகத்திலும், 19ம் தேதி புதன்கிழமை மாலை 3 மணிக்கு திருச்செங்கோடு செயற்பொறியாளர் அலுவலகத்திலும், 25ம் தேதி செவ்வாய்கிழமை மாலை 3 மணிக்கு ராசிபுரம் செயற்பொறியாளர் அலுவலகத்திலும் நடைபெறுகிறது. இதில் அந்தந்த கோட்டத்தை சேர்ந்த மின் நுகர்வோர் பங்கேற்று தங்களது குறைகளை தெரிவித்து நிர்வர்த்தி பெறலாம் என தெரிவித்துள்ளார்.