ஆடி அமாவாசை மற்றும் வெள்ளிக்கிழமைகளில் கோயில்களில் பக்தர்கள் வழிபாடு நடத்த தடை

நாமக்கல் :

நாமக்கல் மாவட்டத்தில் உள்ள கோயில்களில் ஆடி அமாவாசை மற்றும் வெள்ளிக்கிழமைகளில் பக்தர்கள் வழிபாடு நடத்த தடை செய்யப்பட்டுள்ளது.

இதுகுறித்து நாமக்கல் கலெக்டர் ஸ்ரேயாசிங் வெளியிட்டுள்ள செய்திக்குறிப்பில் கூறியுள்ளதாவது:

நாமக்கல் மாவட்டத்தில் தற்போது நிலவி வரும் கொரோனா நோய்த்தொற்று சூழ்நிலையை கருத்தில் கொண்டு, தளர்வுகளுடன் கூடிய ஊரடங்கு தொடர்ந்து நடைமுறையில் உள்ளது. இந்நிலையில் நாமக்கல் மாவட்டத்திலுள்ள இந்து சமய அறநிலையத்துறை கட்டுப்பாட்டிலுள்ள அனைத்து திருக்கோயில்களிலும் அரசால் வெளியிடப்பட்டுள்ள கட்டுப்பாட்டு நெறிமுறைகளை கடைபிடித்து, பக்தர்கள் வழக்கமான சுவாமி தரிசனத்திற்கு மட்டும் அனுமதிக்கப்பட்டு வருகின்றனர்.

கொரோனா பரவலைக் கட்டுப்படுத்த, மக்கள் கூட்டமாக கூடுவதை தவிர்க்கும் வகையில், ஆக. 5ம் தேதி முதல் 9ம் தேதி வரையிலும், மேலும், 13, 20, 27, ஆகிய தேதிகளில் ஆடி அமாவாசை மற்றும் ஆடி வெள்ளி தினங்களிள் மாவட்டத்தில் உள்ள அனைத்து கோயில்களிலும் பக்தர்களுக்கு அனுமதி இல்லை. வழக்கமான பூஜை வழிபாடுகள், திருக்கோயில் வழக்கப்படடி பக்தர்கள் பங்கேற்பின்றி நடத்தப்படும். முக்கிய பூஜைகள் இருப்பின் அவை ஆன்லைன் மூலம் ஒளிபரப்பு செய்யப்படும். இவ்வாறு கலெக்டர் தெரிவித்துள்ளார்.