நேஷனல் பப்ளிக் பள்ளியில் பாரதியார் பிறந்த நாள் விழா..!

நாமக்கல், டிச. 11-

நாமக்கல் நேஷனல் பப்ளிக் சீனியர் செகண்டரி பள்ளியில், பாரதியார் பிறந்த நாள் விழா சிறப்பாக நடைபெற்றது.

நாமக்கல் வேப்பனத்தில் உள்ள, நேஷனல் பப்ளிக் சீனியர் செகண்டரி பள்ளியில், மகாகவி பாரதியாரின் 142வது பிறந்த நாள் விழா பள்ளி தலைவர் சரவணன் தலைமையில் நடைபெற்றது.

விழாவில் பாரதியாரின் உருவப்படத்திற்கு மாலை அணிவித்து மரியாதை செலுத்தப்பட்டது. தொடர்ந்து மாணவ மாணவிகளுக்கு, பாரதியாரின் படைப்புகளை மையப்படுத்தி, பேச்சு, பாடல், கவிதை, மாறுவேடம், நாடகம், கதாகாலட்சேபம் உள்ளிட்ட பல்வேறு போட்டிகள் மற்றும் கலை இலக்கிய நிகழ்ச்சிகள் நடைபெற்றன. திரளான மாணவ மாணவிகள் போட்டிகளில் பங்கொண்டனர். வெற்றிபெற்ற மாணவ மாணவியருக்கு பரிசுகள் வழங்கப்பட்டன. பள்ளி முதல்வர், மேல்நிலை வகுப்பு முதல்வர் மற்றும் ஆசிரியர்கள் விழாவில் கலந்துகொண்டனர்.