திருவண்ணாமலை மாவட்டத்தில் மக்கள் பிரதிநிதிகளுக்கு புத்தாக்க பயிற்சி

திருவண்ணாமலை மாவட்ட சமூக நலன் மற்றும் மகளிர் உரிமைத்துறை சார்பில் ஒருங்கிணைந்த குழந்தை வளர்ச்சி பணிகள் திட்டத்தின் மூலம் தேர்ந்தெடுக்கப்பட்ட மக்கள் பிரதிநிதிகளுக்கான ஒரு நாள் புத்தாக்க பயிற்சி நடைபெற்றது.

திருவண்ணாமலை உதவி இயக்குனர் (ஊராட்சிகள்) லட்சுமி நரசிம்மன் தலைமை தாங்கினார். திருவண்ணாமலை மாவட்ட ஊராட்சி செயலாளர் அறவாழி, திருவண்ணாமலை பேரூராட்சிகளின் உதவி இயக்குனர் ஷீஜாபாய் ஆகியோர் முன்னிலை வகித்தனர். மாவட்ட திட்ட அலுவலர் கந்தன் வரவேற்றார். சிறப்பு அழைப்பாளராக மாவட்ட ஊராட்சிக்குழு தலைவர் பார்வதிசீனிவாசன் கலந்துகொண்டு பேசினர்.

நிகழ்ச்சியில் ஒருங்கிணைந்த குழந்தை வளர்ச்சி திட்டம் மூலம் குழந்தைகளின் நலனை பாதுகாத்திட ஊட்டசத்து உணவு முறைகள் குறித்து மக்களுக்கு விளக்கும் முறை, ஊட்டசத்து குறைபாடுள்ள குழந்தைகளை கண்டறிந்து உரிய சிகிச்சைக்கு பரிந்துரை செய்தல், சுகாதார ஊட்டச்சத்து தினம் நடத்துதல் போன்ற பல்வேறு ஆலோசனை வழங்கப்பட்டது.

இதில் மாவட்ட சமூக நல அலுவலர் மீனாம்பிகை, குழந்தை வளர்ச்சி திட்ட அலுவலர்கள் சரண்யா, மரியம்மாள், ஆயூஸ் மருத்துவமனை டாக்டர் புனிதவதி, மாவட்ட ஊராட்சிக்குழு துணைத்தலைவர் பாரதிராமஜெயம், ஊராட்சி குழு கவுன்சிலர்கள் இல.சரவணன், ஆரஞ்சி ஆறுமுகம், செந்தில், முத்துமாறன் உள்பட கவுன்சிலர்கள், பேரூராட்சி தலைவர்கள், துணைத்தலைவர்கள் மற்றும் அலுவலர்கள் கலந்து கொண்டனர்.