நாமக்கல்லில் வன உயிரின வார விழாவை முன்னிட்டு ஓவியப்போட்டி

வன உயிரின வாரவிழாவை முன்னிட்டு, நாமக்கல்லில் வனத்துறை சார்பில் பள்ளி மாணவ மாணவிகளுக்கு ஓவியப்போட்டி, கட்டுரைப் போட்டி மற்றும் பேச்சுப் போட்டிகள் நடைபெற்றது.

ஆண்டுதோறும் அக்டோபர் 2 முதல் 8 வரை இந்திய வன உயிரின வாரம் கடைபிடிக் கப்படுகிறது. வனங்களில் வாழும் அனைத்து விலங்குகள் மற்றும் உயிரினங்களைப் பாதுகாக்க வேண்டும் என்ற குறிக்கோளுடன் 1952-ம் ஆண்டு முதல் இது அனுசரிக்கப்படுகிறது.

நாமக்கல் தெற்கு ஆண்கள் மேல்நிலைப் பள்ளியில் வன உயிரின வார விழாவை முன்னிட்டு நாமக்கல் மாவட்ட வனத்துறை சார்பில் ஓவியப்போட்டி, கட்டுரைப் போட்டி மற்றும் பேச்சுப் போட்டி நடைபெற்றது. சுமார் 268 பள்ளி, கல்லூரி மாணவ மாணவிகள் போட்டிகளில் பங்கேற்றனர் இந்தப் போட்டிகளை மாவட்ட வன அலுவலர் ராஜாங்கம் தொடங்கி வைத்தார்.

போட்டிகளில் இயற்கை வளங்கள் குறித்தும், வன உயிரினம் பற்றியும் மாணவர்கள் ஆர்வத்துடன் ஓவியம் வரைந்தனர். அதுகுறித்த தலைப்புகளில் கட்டுரைப்போட்டி மற்றும் பேச்சுப் போட்டிக நடைபெற்றது. போட்டிகளில் முதல் மூன்று இடங்களைப் பெற்றவர்களுக்கு விரைவில் நடைபெறும் விழாவில் பரிசளிக்கப்படும். போட்டிக்கான ஏற்பாடுகளை நாமக்கல் வனசரக அலுவலர் பெருமாள், ராசிபுரம் வன அலுவலர் ரவிச்சந்திரன் ஆகியோர் செய்திருந்தனர்.