குஜராத் செல்லும் தமிழக மகளிர் கால்பந்து அணியினருக்கு நாமக்கல் எம்எல்ஏ வாழ்த்து

தேசிய போட்டியில் கலந்து கொள்ள குஜராத் செல்லும் தமிழக மகளிர் கால்பந்து அணியினரை நாமக்கல் எம்எல்ஏ -ராமலிங்கம் வாழ்த்தி வழியனுப்பி வைத்தார்.

குஜராத் மாநிலம், அகமதாபாத் நகரில் வருகிற 28 முதல், அக்டோபர் 12 வரை, 2022ம் ஆண்டிற்கான தேசிய அளவிலான விளையாட்டு போட்டிகள் நடைபெறுகிறது. இதில் கலந்துகொள்ள உள்ள, தமிழ்நாடு சீனியர் பெண்கள் கால்பந்து அணியினருக்கு கடந்த ஒரு வாரமாக நாமக்கல் மாவட்ட விளையாட்டு மைதானத்தில் பயிற்சி நடைபெற்றது.

பயிற்சி முடித்து குஜராத் புறப்படும், மகளிர் கால்பந்து அணியினருக்கு வழியனுப்பு விழா நடைபெற்றது. நாமக்கல் எம்எல்ஏ ராமலிங்கம் நிகழ்ச்சியில் கலந்துகொண்டு கால்பந்து வீராங்கணைகளை வாழ்த்தி வழியனுப்பி வைத்தார்.

நிகழ்ச்சியில் நாமக்கல் மாவட்ட கால்பந்து கிளப் புரவலர்கள் கணேசன், தாயாளன், சிறு குறுந்தொழில்கள் சங்க தலைவர் கோஸ்டல் இளங்கோ, நகராட்சி கவுன்சிலர் நந்தகுமார், அசோகன், தியாகராஜன், கால்பந்து பயிற்சியாளர்கள் கோகிலா, கலா, நீச்சல் பயிற்சியாளர் ரகு உள்ளிட்ட பலர் நிகழ்ச்சியில் கலந்துகொண்டனர்.