45.45லட்சம் மதிப்புள்ள தங்கம் சென்னை விமான நிலையத்தில் சுங்கத்துறையினர் பறிமுதல்

2021 டிசம்பர் 11 அன்று கொழும்பு மற்றும் துபாயில் இருந்து விமானங்கள் மூலம் சென்னை வந்திறங்கிய ஆறு பயணிகளை சென்னை சுங்கத்துறையின் விமான நுண்ணறிவு பிரிவு அதிகாரிகள் சந்தேகத்தின் அடிப்படையில் தடுத்து நிறுத்தினர்.

அவர்களை சோதனை செய்து பார்த்த போது, செருப்புகளுக்குள் தங்கத்தை மறைத்து வைத்து கடத்தி வந்தது தெரியவந்தது. ரூ 40.28 லட்சம் மதிப்பிலான 928 கிராம் தங்கம் சுங்க சட்டம், 1962-ன் கீழ் பறிமுதல் செய்யப்பட்டது. மேலும் ரூ 5.17 லட்சம் மதிப்பிலான மின்னணு பொருட்களும் பறிமுதல் செய்யப்பட்டன.

இது குறித்து தொடர்ந்து விசாரணை நடைபெற்று வருவதாக சென்னை விமான நிலைய முதன்மை சுங்க ஆணையர் தெரிவித்துள்ளார்.