தூய்மை அருணை அமைப்பினர் சார்பில் தண்ணீர் பந்தல் திறப்பு

திருவண்ணாமலை காந்தி சிலை, திருவள்ளுவர் சிலை, பெரிய தெரு உள்ளிட்ட இடங்களில் நடைபெற்ற தண்ணீர் பந்தல் திறப்பு நிகழ்ச்சிக்கு, தூய்மை அருணை அமைப்பின் மேற்பார்வையாளர் கார்த்திக் வேல்மாறன் தலைமை வகித்தார். அமைச்சர் எ வ.வேலு, சிறப்பு அழைப்பாளராக கலந்து கொண்டு தண்ணீர் பந்தல்களை திறந்து வைத்து பொதுமக்களுக்கு பழ ரசம், மோர், தர்பூசணி, குடிநீர் ஆகியவற்றை வழங்கினார்.

நிகழ்ச்சியில் சட்டப்பேரவை துணைத்தலைவர் பிச்சாண்டி , நாடாளுமன்ற உறுப்பினர் அண்ணாதுரை, மாநில தடகள சங்கத்தின் துணைத்தலைவர் எ வ.வே. கம்பன், மாவட்ட பொருளாளர் பன்னீர்செல்வம், நகரமன்ற தலைவர் நிர்மலா, நகர மன்ற துணைத் தலைவர் ராஜாங்கம், நகராட்சி பெண்கள் மேல்நிலைப்பள்ளி பெற்றோர் ஆசிரியர் சங்கத் தலைவர் டி.வி.எம்.நேரு, தூய்மை அருணை ஒருங்கிணைப்பாளர் சங்கர வடிவேல், ஆ. ஆறுமுகம், ஒன்றிய செயலாளர் ஆறுமுகம் , பலர் கலந்து கொண்டனர்.