வே.க. பட்டி கொங்குநாடு பி.எட் கல்லூரியில் அறிவியல் மன்ற விழா

நாமக்கல் மாவட்டம், வேலகவுண்டம்பட்டியில், கொங்குநாடு ஒருங்கிணைந்த கல்வியியல் கல்லூரி அமைந்துள்ளது. இந்த கல்லூரியில், அறிவியல் மன்ற விழா கொங்குநாடு கல்வி நிறுவனங்களின் சேர்மன் கே.எஸ். ராஜா தலைமையில் நடைபெற்றது.

செயலாளர் சிங்காரவேலு முன்னிலை வகித்தார். கல்லூரி முதல்வர் சாந்தி வரவேற்றார். அண்ணாமலைப் பல்கலை இயற்பியல் துறை பேராசிரியர் டாக்டர் பழனியப்பன் சிறப்பு விருந்தினராக கலந்துகொண்டு, கல்வி கற்பிக்கும் முறைகள், கருத்துக்களை கூர்ந்து கவனித்தல், கற்பித்தலில் நவீன தொழில்நுட்ப பயன்பாடுகள் குறித்து விளக்கி பேசினார். விழாவில் மாணவிகளின் கலை நிகழ்ச்சிகள் நடைபெற்றன. முடிவில் உதவிப் பேராசிரியர் ஜெயகுமார் நன்றி கூறினார்.