கோவை டூ கோவா - அக். 30 முதல் தினமும் நேரடி விமான சேவை

Coimbatore To Goa Flight Lowest Price -கொண்டாட்டங்களுக்கு பெயர் பெற்ற கோவாவிற்கு தனி ரசிகர் பட்டாளமே உண்டு. கோவையில் இருந்தும் கோவாவிற்கு செல்வோர் எண்ணிக்கை அதிக அளவில் இருப்பதாக தெரிகிறது. இந்நிலையில் கோவையிலிருந்து கோவாவிற்கு ஏற்கனவே ரயில் சேவை வசதி உள்ளது.

ரயில் பயண சேவை கிட்டத்தட்ட 12 மணி நேரத்திற்கு மேல் எடுத்துக் கொள்ளும் நிலையில், விமான சேவை விரைவில் தொடங்கப்பட வேண்டும் என்பதே பல்வேறு தரப்பினரின் எதிர்பார்ப்பாக இருந்தது. இதையடுத்து 'இண்டிகோ ஏர்லைன்ஸ்' கோவையில் இருந்து நேரடியாக கோவாவிற்கு விமான சேவையை, வரும் அக்டோபர் 30-ம் தேதி முதல் தொடங்க உள்ளது. 186 இருக்கை வசதிகளுடன் விமான சேவை தொடங்க உள்ளது.

தினமும் இரவு 11.05 மணிக்கு புறப்படும் விமானம், அன்றைய தினமே நள்ளிரவு 12.30 க்கு கோவாவை சென்றடையும். அதேபோல் நள்ளிரவு 1 மணிக்கு கோவாவிலிருந்து புறப்படும் விமானம் 2.20 க்கு கோவையை வந்தடையும் என தெரிவிக்கப்பட்டுள்ளது. கோவையில் இருந்து கோவாவிற்கு நேரடி விமான சேவை தொடங்கப்பட்டுள்ளதால், கொண்டாட்டங்களை அதிகம் விரும்புவோர் மகிழ்ச்சி அடைந்துள்ளனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2