Begin typing your search above and press return to search.
புதுக்கோட்டை அரசு மருத்துவமனைக்கு முகக்கவசம் வழங்கிய சென்ட்ரல் ரோட்டரி சங்கம்
புதுக்கோட்டை சென்ட்ரல் ரோட்டரி சங்கம் சார்பில் மருத்துவமனைக்கு எண் - 95 மாஸ்க்குகளை வழங்கியது.
HIGHLIGHTS
புதுக்கோட்டை சென்ட்ரல் ரோட்டரி சங்கமும், ஏவிஎம் டயக்னோஸ்டிக் சென்டர் நிறுவனமும் இணைந்து இன்று அரசு மருத்துவமனை வளாகத்தில் மருத்துவமனையில் பணியாற்றும் முன் களப்பணியாளர்களுக்கு 50,000 ரூபாய் மதிப்புள்ள N-95 முக கவசம் வழங்கும் நிகழ்வு நடைபெற்றது.
இந்த நிகழ்விற்கு சங்கத்தின் தலைவர் பொறியாளர் மதிவாணன் தலைமை தாங்கினார். ரோட்டரி மண்டல ஒருங்கிணைப்பாளர் பொறியாளர் பஷீர் முகமது, முன்னால் தலைவர்கள் அந்தோணிசாமி, சிவாஜி, ராதாகிருஷ்ணன் போக்குவரத்து கழக பொறியாளர் சோமசுந்தரம், அகிலா சுரேஷ் ஆகியோர் முன்னிலை வகித்தனர்.
இந்த நிகழ்ச்சிக்கு சங்கத்தின் உறுப்பினரும் புதுக்கோட்டை சட்டமன்ற உறுப்பினருமான மருத்துவர் முத்துராஜா கலந்து கொண்டு N-95 முகக்கவசங்களை புதுக்கோட்டை அரசு மருத்துவ கல்லூரி மருத்துவமனையின் முதல்வர் பூவதியிடம் வழங்கினார்.