வேளாண் அறிவியல் நிலையத்தில் சின்ன வெங்காயத்தில் நோய் மேலாண்மை பயிற்சி

இதுகுறித்து, நாமக்கல் வேளாண் அறிவியல் நிலைய தலைவர் அழகுதுரை வெளியிட்டுள்ள அறிக்கையில் கூறியுள்ளதாவது:

நாமக்கல் வேளாண் அறிவியல் நிலையத்தில், வரும், ஆக.4-ம் தேதி, காலை 9.30 மணிக்கு, சின்ன வெங்காயத்தில் ஒருங்கிணைந்த பூச்சி மற்றும் நோய் மேலாண்மை என்ற தலைப்பில், ஒரு நாள் இலவச பயிற்சி முகாம் நடக்கிறது. இப்பயிற்சியில், குறைந்த காலத்தில் அதிக லாபம் தரும் சின்ன வெங்காயம் ரகங்கள், பயிரை தாக்கும் பூச்சி மற்றும் நோய்களின் அறிகுறிகள், அவற்றை ஒருங்கிணைந்த முறையில் கட்டுப்படுத்தும் முறைகள், இயற்கை பூச்சி கொல்லிகள் தயாரித்தல், வளர்ச்சிஊக்கிகள் பயன்படுத்துதல் மற்றும் நுண்ணூட்ட மேலாண் குறித்து விளக்கம் அளிக்கப்படும்.

பயிற்சியில், விவாயிகள், விவசாயம் சார்ந்த களப்பணியாளர்கள், பண்ணையாளர்கள், ஊரக மகளிர், இளைஞர்கள் மற்றும் ஆர்வம் உள்ளவர்கள் கலந்து கொள்ளலாம். விருப்பம் உள்ளவர்கள், வேளாண் அறிவியல் நிலையத்தை நேரில் அனுகியோ அல்லது 04286 266345, 266650 என்ற தொலைபேசி எண்ணில் தொடர்பு கொண்டு தங்களது பெயரை முன்பதிவு செய்து கலந்து கொள்ளலாம் என தெரிவிக்கப்பட்டுள்ளது.