தஞ்சை மாநகராட்சியின் சார்பில் இன்று தடுப்பூசி போடும் இடங்கள்

தஞ்சை மாநகராட்சிக்கு உட்பட்ட 52 வார்டுகளில் பொதுமக்களுக்கு தடுப்பூசி செலுத்தும் பணி நடைபெற்று வருகிறது. தினமும் பல்வேறு மையங்களில் தடுப்பூசியின் கையிருப்பை பொருத்து பொதுமக்களுக்கு மாநகராட்சி சார்பில் தடுப்பூசி செலுத்தப்படுகிறது.

அதன்படி, இன்று 13 மையங்களில் 1900 நபர்களுக்கு தடுப்பூசி செலுத்தப்படுவதாகவும், கையிருப்பு குறைந்த அளவே இருப்பதால் முதலில் வரும் பொதுமக்களுக்கு முன்னுரிமை வழங்கப்படும் எனவும் அறிவிக்கப்பட்டுள்ளது.

ஆர்.ஆர் நகரில் 200 நபர்களுக்கும், பழைய வீட்டு வசதி வாரியத்தில் 100 நபர்களுக்கும், லட்சுமி நாராயணா பள்ளியில் 100 நபர்களுக்கும், டிஇஎல்சி பள்ளியில் 150 நபர்களுக்கும், சி.ஆர்.சி பேருந்து பணிமனையில் 150 நபர்களுக்கும் என மொத்தம் ஐந்து மையங்களில் 600 நபர்களுக்கு கோவிஷீல்டு தடுப்பூசி போடப்படுகிறது.

இதேபோல் கரந்தை மாநகராட்சி பள்ளியில் 200 நபர்கள், வண்டிக்கார தெரு மாநகராட்சி பள்ளியில் 200 நபர்களுக்கும், தென்கீழ் அலங்கம் நகராட்சி பள்ளியில் 200 நபர்களுக்கும், அண்ணாநகர் மாநகராட்சி பள்ளியில் 200 நபர்களுக்கும், முனிசிபல் மாநகராட்சி பள்ளியில் 150 நபர்களுக்கும், வார்டு 31 திருமகள் பள்ளியில் 150 நபர்களுக்கும், சௌராஷ்டிரா தெருவில் 150 நபர்களுக்கும் செக்கடி பகுதியில் 150 நபர்களுக்கும் என மொத்தம் 8 மையங்களில் 1400 தடுப்பூசி செலுத்தப்படுகிறது என மாநகராட்சி ஆணையர் சரவணக்குமார் தெரிவித்துள்ளார்.