தென்காசி: காந்தி, காமராஜர் உருவ படங்களுக்கு காங்கிரஸார் மாலை அணிவித்து மரியாதை

தென்காசி நகர காங்கிரஸ் சார்பில் தேசத்தந்தை காந்தி பிறந்த தினவிழா மற்றும் காமராஜர் நினைவு தின நிகழ்ச்சி காந்தி சிலை முன்பு நடந்தது.

நிகழ்ச்சிக்கு நகர காங்கிரஸ் தலைவர் காதர் மைதீன் தலைமை வகித்தார். தென்காசி எம்எல்ஏவும், மாவட்ட காங்கிரஸ் தலைவருமாகிய எஸ்.பழனிநாடார் காந்தி சிலை மற்றும் காமராஜர் படங்களுக்கு மாலை அணிவித்து மலர் தூவி மரியாதை செலுத்தினார்.

நிகழ்ச்சியில் மாவட்ட துணைத்தலைவர் சிவராமன், தொகுதி இளைஞர் காங்கிரஸ் தலைவர் சந்தோஷ், மாவட்ட பொதுச் செயலாளர் மாடசாமி ஜோதிடர், சிவாஜி மன்ற கணேசன் உள்ளிட்ட கட்சி நிர்வாகிகள் தொண்டர்கள் பலர் கலந்து கொண்டனர்.