மார்கழி மாதத்தில் திருக்கோயில்கள் நடை அடைப்பு: பக்தர்கள் ஏமாற்றம்

கொரோனா மற்றும் ஒமிக்ரான் வைஸ் பரவலை கட்டுப்படுத்த, வாரத்தில் வெள்ளி, சனி மற்றும் ஞாயிற்றுக்கிழமைகளில் திருக்கோயில்களை மூடி வைக்க, தமிழக அரசு உத்தரவிட்டுள்ளளது. இதையொட்டி தமிழகம் முழுவதும் முக்கிய கோயில்கள் அனைத்தும் இன்று முதல், 3 நாட்கள் மூடப்பட்டுள்ளன.

நாமக்கல் நகரில் உள்ள அருள்மிகு நரசிம்மசாமி, நாமகிரித்தாயார் கோயில், ஆஞ்சநேயர் கோயில், பலபட்டரை மாரியம்மன் கோயில், கூலிப்பட்டி முருகன் கோயில் உள்ளிட்ட, மாவட்டத்தில் உள்ள முக்கிய கோயில்கள் அனைத்தும் இன்று முதல், 3 நாட்கள் மூடப்பட்டுள்ளன.

கோயில்கள் அனைத்தும் மார்கழி மாதத்தில் அதிகாலை 4 மணிக்கே திறக்கப்படுகின்றன. ஏராளமான பெண்கள் அதிகாலை 5 மணிக்கு குளித்துவிட்டு, குடங்களில் தீர்த்தம் எடுத்து வந்து கோயில்களில் சாமிக்கு ஊற்றி வழிபடுவது வழக்கம். தற்போது மார்கழி மாதத்தில் முக்கிய கோயில்கள் மூடப்பட்டுள்ளதால் பக்தர்கள் அதிருப்தியும், ஏமாற்றமும் அடைந்துள்ளனர்.