காஞ்சிபுரம் மாநகராட்சி கூட்டத்தில் அதிமுக தலைமையில் போராட்டம்

காஞ்சிபுரம் மாநகராட்சி மாதாந்திர கூட்டத்தில் எதிர்க்கட்சிகள் கவுன்சிலர்கள் கருப்பு சட்டை அணிந்தும், கருப்பு துணியை கண்ணில் கட்டியவாறு வருகை புரிந்து மேயர் இருக்கை முன் தர்ணா போராட்டத்தில் ஈடுபட்டனர்.

கூட்டத்தை புறக்கணிப்பதாக எதிர் கட்சி கவுன்சிலர்கள் கூறிய போது கிளம்புங்க என்று மேயர் ஒருமையில் கூறியதால் கவுன்சிலர்கள் கோபப்பட்டு கூச்சலிட்டனர்.

காஞ்சிபுரம் மாநகராட்சியில் கூட்டரங்கில் மாநகராட்சியில் உள்ள 51 வார்டுகளிலும் உள்ள கவுன்சிலர்கள் மாதந்தோறும் மாதாந்திர கூட்டம் நடைபெற்று மாநகராட்சிக்கு தேவையான முக்கிய அடிப்படை வசதிகளை தீர்மானமாக நிறைவேற்றி பணிகள் நடைபெற்று வருகின்றன. இதில் 35 உறுப்பினர்கள் திமுகவினரும் மீதமுள்ள 16 நபர்கள் அதிமுக, பாஜக, பாமக, தாமக உள்ளிட எதிர்க்கட்சியாகவும் உள்ளனர்.

மாமன்ற கூட்டத்தில் பங்கேற்க வந்த எதிர்க்கட்சி 16 உறுப்பினர்கள் அவர்களின் வார்டுகளில் அடிப்படை வசதிகள் எதுவும் செய்யப்படவில்லை என எதிர்ப்பு தெரிவித்து கருப்பு சட்டை, கருப்பு சேலையில் வந்து கண்களில் கருப்பு துணியை கட்டியவாறு கூட்டத்திற்கு வருகை புரிந்தனர்.

மேலும் காஞ்சிபுரம் மாநகராட்சி கூட்டம் 10.15 மணிக்கு தொடங்கும் என்று அறிவிக்கப்பட்டிருந்த நிலையில் 10.45 வரை மாமன்ற கூட்டம் தொடங்காததால் எதிர்க்கட்சியை சேர்ந்த உறுப்பினர்கள் மேயர் இருக்கை முன்பு தர்ணா போராட்டத்தில் ஈடுபட்டு கோஷங்கள் எழுப்பினர்.

மேலும் இதனை கண்டித்து திமுகவை சேர்ந்த திமுக உறுப்பினர்களும் எதிர்கோஷம் போட்டதால் இருவரிடமே பெரும் பரபரப்பு ஏற்பட்டது.

மேயர் மகாலட்சுமி யுவராஜ் சபைக்கு வந்ததும் எதிர்க்கட்சி கவுன்சிலர்கள் புறக்கணிப்பதாக தெரிவித்த போது சற்று என்று மேயர் கிளம்புகள் என உரிமைகள் பேசினால் எதிர்க்கட்சி கவுன்சிலர்கள் வாக்குவாதத்தில் ஈடுபட்டால் சற்று பரபரப்பு ஏற்பட்டது. நீண்ட நேரமாக மாறி மாறி வாக்குவாதத்தில் ஈடுபட்டனர்.

மாமன்ற கூட்டத்தில் தொடர்ந்து எதிர்க்கட்சிகள் கவுன்சிலர்கள் ஆர்ப்பாட்டத்தில் ஈடுபட்டதால் பத்திற்கும் மேற்பட்ட போலீசார் பாதுகாப்பில் ஈடுபட்டதால அப்பகுதியில் பெரும் பரபரப்பு ஏற்பட்டது.