திருவாரூர் நகர மன்ற தலைவராக திமுக வேட்பாளர் புவனப்பிரியா போட்டியின்றி தேர்வு

திருவாரூர் நகரமன்ற தேர்தலில் திமுக சார்பில் போட்டியிட்ட புவனப்பிரியா செந்தில் நகர மன்ற தலைவராக ஒருமனதாக தேர்ந்தெடுக்கப்பட்டார். இதனைத் தொடர்ந்து நகராட்சி ஆணையர் பிரபாகரன் முன்னிலையில் அவர் பதவியேற்றுக் கொண்டார்.

பதவியேற்ற நகரமன்ற தலைவர் புவனப்பிரியாவிற்கு நகரமன்ற உறுப்பினர்கள் மற்றும் திமுக முக்கிய நிர்வாகிகள் வாழ்த்துக்களை தெரிவித்துக் கொண்டனர்.

இந்த நிகழ்ச்சியில் நகர மன்ற துணைத் தலைவராகத் தேர்ந்தெடுக்கப்பட உள்ள நகர செயலாளர் பிரகாஷ் உள்ளிட்ட ஏராளமானோர் பங்கேற்றனர்.