ஆவின் பால் லிட்டருக்கு 3 ரூபாய் குறைவு : பொதுமக்கள் மகிழ்ச்சி

திமுக தேர்தல் அறிக்கையில் நாங்கள் வெற்றி பெற்று ஆட்சிக்கு வந்தால் ஆவின் பால் லிட்டருக்கு 3 ரூபாய் குறைப்போம் என தேர்தல் அறிக்கை வெளியிட்டிருந்தது அதன்படி தமிழக முதல்வராக மு க ஸ்டாலின் பொறுப்பேற்றார்

அதனை அடுத்து இன்று முதல் ஆவின் பாலுக்கு லிட்டருக்கு 3 ரூபாய் குறைத்து வழங்கப்படும் என அறிவிப்பை வெளியிட்டனர் அதன்படி இன்று காலை புதுக்கோட்டையில் உள்ள ஆவின் பாலகங்களில் பொதுமக்கள் விலை குறைந்த ஆவின் பாலை வாங்கி மகிழ்ச்சியுடன் சென்றனர்

தொடர்ந்து பொதுமக்கள் கூறுகையில் தற்போது உள்ள கொரோன வைரஸ் தொற்று ஊரடங்கு காலத்தில் அத்தியாவசிய பொருளான ஆவின் பால் விலை லிட்டருக்கு 3 ரூபாய் குறைந்துள்ளது மிகுந்த மகிழ்ச்சியை அளிக்கிறது ஒரு மாதத்திற்கு 300 ரூபாய் முதல் 500 ரூபாய் மிச்சமாகும் தற்போது உள்ள சூழ்நிலையில் இது மிக மகிழ்ச்சியாக இருக்கிறது என பொதுமக்கள் கூறினர்