காஞ்சி விஜயேந்திரரிடம்‌ ஆசி பெற்ற மத்திய அமைச்சர் முருகன்

மத்திய பால்வளம், மீன்வளம், கால்நடை மற்றும் தகவல் ஒளிபரப்புத் துறை இணை அமைச்சர் முருகன் காஞ்சிபுரத்தில் அமைந்துள்ள ஸ்ரீ மகாபெரியவர் மணி மண்டபத்திற்கு வருகை தந்தார். அவரை மாவட்ட வருவாய் அலுவலர் இரா.பன்னீர்செல்வம் உள்ளிட்ட அரசு அலுவலர்கள் வரவேற்றனர்.

பின்னர் மணிமண்டபத்தில் சாதுர்மாஸ்ய விரதம் மேற்கொண்டு வரும் ஸ்ரீவிஜயேந்திரரை சந்தித்து ஆசி பெற்றார். அப்போது விஜயேந்திரர், மக்கள் பயன்பெறும் வகையில் சிறப்புடன் பணியாற்றும்படி ஆசி வழங்கினார்.

இந்நிகழ்ச்சியில் பாஜக மாவட்டத் தலைவர் பாபு, மாநில அமைப்பு சாரா தொழிலாளர் துணைச்செயலாளர் கணேஷ், நகர நிர்வாகிகள் ஜீவானந்தம் அதிசயம் குமார் உள்ளிட்டோர் கலந்து கொண்டனர்.