உங்க குழந்தைக்கு இதெல்லாம் குடுங்க..!

சிறார் நலன்: நோய் எதிர்ப்பு சக்தியை அதிகரிக்கும் உணவுகள்

கண்ணுக்குத் தெரியாத கிருமிகள் தொடர்ந்து நம் குழந்தைகளின் உடல்நலத்தை அச்சுறுத்திக் கொண்டே இருக்கின்றன. குழந்தைகளின் இயல்பான நோய் எதிர்ப்பு சக்தி வலுவிழந்திருக்கும் சூழலில், சளி, காய்ச்சல், தொண்டை வலி போன்ற தொந்தரவுகள் அடிக்கடி ஏற்படுவதுண்டு. அவர்களின் நோய் எதிர்ப்பு மண்டலத்தை வலிமைப்படுத்த உணவே சிறந்த கவசமாகத் திகழ்கிறது.

நோய் எதிர்ப்புச் சக்தி என்றால் என்ன?

நம்மைச் சுற்றியுள்ள காற்றில் தூசிகள், பாக்டீரியாக்கள், வைரஸ்கள் எண்ணற்றவை மிதந்து கொண்டிருக்கின்றன. குழந்தைகளின் மென்மையான உடல் இந்த வெளிப்புற அச்சுறுத்தல்களை எதிர்த்துப் போராடும் திறன் கொண்டது. அந்தத் திறன்தான் நோய் எதிர்ப்புச் சக்தி. ஆரோக்கியமான உணவுப் பழக்கங்களை வளர்த்தெடுப்பதன் மூலம், நோய் எதிர்ப்பு சக்தியை நாம் மேம்படுத்த முடியும். இதோ, உங்கள் குழந்தைகளின் பாதுகாப்புக் கேடயத்தை வலுவாக்கும் 20 சூப்பர் உணவுகள்:

1. வாழைப்பழம்

எளிதில் ஜீரணமாகும் தன்மை கொண்ட வாழைப்பழத்தில் வைட்டமின் பி6 நிறைந்துள்ளது. வளரும் குழந்தைகளின் நோய் எதிர்ப்பு மண்டலத்திற்குத் தேவையான ஊட்டச்சத்தை இது வழங்குகிறது.

2. பாதாம்

மொறுமொறுப்பான பாதாம் கொட்டையில் வைட்டமின் ஈ அதிகம். இந்த வைட்டமின் சளி மற்றும் காய்ச்சலை எதிர்கொள்ளும் ஆற்றலைக் குழந்தைகளுக்கு அளிக்கிறது.

3. தயிர்

தயிரில் உள்ள நல்ல பாக்டீரியாக்கள் குடலின் ஆரோக்கியத்தை மேம்படுத்தி நோய் எதிர்ப்பு மண்டலத்தை வலுப்படுத்துகின்றன.

4. சிவப்பு கொய்யா

வைட்டமின் சி நிறைந்த சிவப்பு கொய்யா, குழந்தைகளின் சருமத்துக்கும் நோய் எதிர்ப்புக்கும் இன்றியமையாதது.

5. மஞ்சள்

காயம் பட்ட இடங்களில் அம்மா போடும் மஞ்சள் ஒரு அற்புதமான கிருமிநாசினி. உணவில் மஞ்சள் சேர்ப்பது, தொற்றுநோய்கள் குழந்தைகளை அண்டாமல் பார்த்துக்கொள்ளும்.

6. ஆரஞ்சு

ஆரஞ்சுப் பழத்தில் இருக்கும் வைட்டமின் சி மற்றும் ஆன்டிஆக்ஸிடன்ட்டுகள் நோய்க் கிருமிகளை விரட்டும் திறன் கொண்டவை.

7. முட்டை

வளர்சிதை மாற்றத்தை ஊக்குவிக்கும் முட்டை, வைரஸ்கள் மற்றும் பாக்டீரியாக்கள் உடலில் நுழைவதைத் தடுக்க உதவுகிறது.

8. பூண்டு

பூண்டின் காரத்தன்மை சுவாச மண்டல நோய்களை எதிர்கொள்ளும் வலிமையை அதிகரிக்கிறது. குழந்தைகளின் உணவில் தினமும் சிறிதளவு பூண்டு சேர்ப்பது நல்லது.

9. கீரை வகைகள்

வைட்டமின் ஏ, சி, மற்றும் கே நிறைந்த கீரை வகைகள் குழந்தைகளின் நோய் எதிர்ப்புச் சக்தியைக் கூட்டுகின்றன. சூப் அல்லது பொரியல் செய்து கொடுக்கலாம்.

10. இஞ்சி

நோய் எதிர்ப்பு மண்டலத்தை ஊக்கப்படுத்தி, வீக்கங்களைக் குறைக்கும் திறன் இஞ்சிக்கு உண்டு. இஞ்சித் தேநீர் குழந்தைகளுக்குப் பிடித்தமான பானம்.

11. சிட்ரஸ் பழங்கள்

எலுமிச்சை, சாத்துக்குடி போன்ற சிட்ரஸ் பழங்களில் வைட்டமின் சி அதிகம் உள்ளது. இது நோய் எதிர்ப்பு செல்களை உருவாக்க உதவுகிறது

12. பப்பாளி

பப்பாளியில் வைட்டமின் சி, வைட்டமின் ஏ மற்றும் நார்ச்சத்து உள்ளது. இவை அனைத்தும் குழந்தையின் நோயெதிர்ப்பு மண்டலத்தை மேம்படுத்த உதவுகின்றன

13. ப்ரோக்கோலி

வைட்டமின் சி, ஏ, கே மற்றும் பி, நார்ச்சத்து மற்றும் ஆக்ஸிஜனேற்றிகள் அதிகம் உள்ள சூப்பர்ஃபுட் தான் ப்ரோக்கோலி.

14. ஓட்ஸ்

ஓட்ஸில் நார்ச்சத்து, வைட்டமின்கள் மற்றும் தாதுக்கள் உள்ளன. குழந்தைகள் விரும்பி சாப்பிடக்கூடிய உணவுகளில் ஓட்ஸை சேர்ப்பது எளிது.

15. ஸ்ட்ராபெர்ரி

வைட்டமின் சி நிறைந்த இந்த சிவப்பு பழங்களில் ஆன்டி-ஆக்ஸிடன்ட் சத்தும் உள்ளது.

16. தர்பூசணி

தர்பூசணி துண்டுகள் குழந்தைகளுக்கு மிகவும் பிடிக்கும். இதில் வைட்டமின் சி சத்து அதிகமிருப்பதோடு, உடலை நீரேற்றமாக வைக்கவும் உதவும்.

17. முளைகட்டிய பயறு

முளைகட்டிய பயறு வைட்டமின்கள், தாதுக்கள் மற்றும் நார்ச்சத்துக்கான சிறந்த மூலமாகும். விரைவாக வளரும் குழந்தைகளுக்கு தினமும் சிறிதளவு முளைகட்டிய பயறு உணவில் சேர்ப்பது உடலுக்கு வலிமை தரும்.

18. சால்மன் மீன்

ஒமேகா-3 கொழுப்பு அமிலங்கள் நிறைந்த சால்மன் மீன் நோய்களை எதிர்த்துப் போராடும் திறனை குழந்தைகளின் உடலுக்கு அளிக்கிறது.

19. தேன்

இயற்கை இனிப்பான தேனில் ஆன்டி-செப்டிக் குணம் உண்டு. குழந்தைகளின் தொண்டைக் கரகரப்பு மற்றும் இருமலுக்கு தேனை நிவாரணியாக கொடுக்கலாம்.

20. பூசணி விதைகள்

குழந்தைகளுக்கான பசியைத் தூண்டும் சிற்றுண்டியான பூசணி விதைகளில் துத்தநாகம் நிறைந்துள்ளது. துத்தநாகச் சத்துக் குறைபாடு நோய் எதிர்ப்பு மண்டலத்தைப் பாதிப்படையச் செய்யும்.

முக்கியக் குறிப்பு: தாய்ப்பால் கொடுக்கும் குழந்தைகளுக்கு ஆறு மாதம் வரை தாய்ப்பால் மட்டுமே சிறந்த நோய் எதிர்ப்பு மருந்து!

இயற்கை அள்ளித் தரும் இந்த உணவுகளை, வளரும் குழந்தைகளின் அன்றாட உணவில் சேர்ப்பது, பல்வேறு நோய்களிலிருந்து அவர்களைப் பாதுகாக்கும் இயல்பான கவசமாக அமையும்.