நகராட்சி 25 வது வார்டு திமுக வேட்பாளருக்கு ஆதரவாக எம்எல்ஏ நூதன பிரசாரம்
திமுக வேட்பாளர் திலகவதி செந்தில்குமாருக்கு ஆதரவாக திமுக எம்எல்ஏ டாக்டர் வை. முத்துராஜா நிலக்கடலை வறுத்து வாக்கு சேகரித்தார்
HIGHLIGHTS
புதுக்கோட்டை நகராட்சி தேர்தலில் போட்டியிடும் வேட்பாளர் திவகவதி செந்தில்குமாருக்கு நூதன முறையில் வாக்கு சேகரித்த எம்எல்ஏ டாக்டர் வை. முத்துராஜா.
புதுக்கோட்டை நகராட்சிக்குட்பட்ட 25 வது வார்டில் போட்டியிடும் திமுக வேட்பாளர் திலகவதி செந்தில்குமாருக்கு ஆதரவாக திமுக எம்எல்ஏ டாக்டர் வை. முத்துராஜா நிலக்கடலை வறுத்து பொதுமக்களுக்கு விற்பனை செய்து நூதன முறையில் உதயசூரியன் சின்னத்திற்கு வாக்கு சேகரித்தார்.
புதுக்கோட்டை மாவட்டத்திலுள்ள 2 நகராட்சிகள் மற்றும் 8 பேரூராட்சிகள்காண நகர்ப்புற உள்ளாட்சி தேர்தலுக்கான வாக்குப்பதிவு வரும் 19-ம் தேதி நடைபெற உள்ளது. நகர்ப்புற உள்ளாட்சி தேர்தலில் போட்டியிடும் வேட்பாளர்கள் தாக்கல் செய்த வேட்பு மனுக்களை திரும்பப் பெறுவதற்கு நாளை கடைசி நாள் என்பதால் திங்கள்கிழமை மாலை வேட்பாளர்களின் இறுதிப் பட்டியல் வெளியாக உள்ளது.
புதுக்கோட்டை நகராட்சிக்குட்பட்ட 25 வது வார்டில் திமுக சார்பில் போட்டியிடும் வேட்பாளர் திலகவதி செந்தில்குமாருக்கு ஆதரவாக புதுக்கோட்டை திமுக எம்எல்ஏ டாக்டர் முத்துராஜா சாந்தநாதபுரம் உள்ளிட்ட பகுதிகளில் வேட்பாளருடன் வீடு வீடாக சென்றும் மற்றும் நிலக்கடலை வறுத்து பொதுமக்களுக்கு விற்பனை செய்தும் உதயசூரியன் சின்னத்திற்கு நூதன முறையில் வாக்குகள் சேகரித்தார்.
