ரவுண்ட் டேபிள் இந்தியா & லேடீஸ் சர்க்கிள் இந்தியா சார்பில் நலத்திட்ட உதவி

கோவிட் தொற்றுநோய் மற்றும் சென்னை வெள்ளம், ஆயிரக்கணக்கான ஏழைக் குழந்தைகள் மற்றும் அவர்களது குடும்பங்கள் கடுமையாக பாதித்துள்ளது. அவர்களுக்கு உதவ, ரவுண்ட் டேபிள் இந்தியா மற்றும் லேடீஸ் சர்க்கிள் இந்தியா ஆகிய இலாப நோக்கற்ற (என்ஜிஓக்கள்) அமைப்புகள், தொடர்ச்சியான நலத்திட்ட உதவி வழங்கி வருகின்றன.

அதன்படி, சென்னையின் புறநகர்ப் பகுதிகளில் உள்ள ஆதி திராவிடர் பள்ளி மாணவர்கள் குடும்பங்களுக்கு உணவு மற்றும் மருத்துவ உதவி தேவைப்படும் முதியோர்களை ஆதரிப்பதற்காக திட்டங்கள் வகுக்கப்பட்டுள்ளன. எம்சிஆர்டி 82 & எம்சிஎல்சி73 (ஆர்டிஐ மற்றும் எல்சிஐ உறுப்பினர் சங்கம்), அமெரிக்காவைச் சேர்ந்த முன்னணி நிறுவனமான ஆர்ஆர்டியுடன் இணைந்து, கிளம்பாக்கம், தாம்பரம் மற்றும் தையூர் ஆகிய மூன்று இடங்களில் உள்ள ஆதி-திராவிடர் அரசுப் 600 பள்ளி மாணவர்களுக்கு மளிகை மற்றும் சுகாதாரப் பொருள்களை வழங்கின.

பொதுத்தேர்வு எழுதும் 10 மற்றும் 12 ஆம் வகுப்பு மாணவர்களுக்கு, 1000 வழிகாட்டி புத்தகங்கள் மற்றும் 2500 நோட்டுப் புத்தகங்களை தன்னார்வ தொண்டு நிறுவனங்கள் வழங்கின.சென்னை புறநகர் பகுதியில் உள்ள ஒன்பது அரசு பள்ளிகளுக்கு புத்தகங்கள் வழங்கப்படுகின்றன. இதற்கான நிதியுதவியை பரத் வெற்றிவேல் மற்றும் குடும்பத்தினரால் மறைந்த முன்னாள் எம்.எல்.ஏ. வெற்றிவேல் நினைவாக இந்த வழிகாட்டி புத்தகங்கள் மற்றும் நோட் புக்குகள்ம் ரவுண்ட் டேபிள் இந்தியா மற்றொரு உறுப்பினர் அமைப்பான RSRT158 மூலம் நிதியுதவி செய்யப்பட்டது.

சங்கரா மருத்துவமனைகளுடன் இணைந்து, தன்னார்வ தொண்டு நிறுவனங்களும் கண்புரை நோயால் பாதிக்கப்பட்ட ஆதரவற்ற மக்களுக்கு ஆதரவாக, "விஷன்4 ஆல்" முயற்சியைத் தொடங்கின. ஒரு எளிய அறுவை சிகிச்சை மூலம் கண்புரையை குணப்படுத்த முடியும் என்றாலும், கண்புரை நோயால் பாதிக்கப்பட்ட ஆயிரக்கணக்கான மக்கள் சிகிச்சையின் தாமதத்தால் பார்வையற்றவர்களாக மாறுகிறார்கள். சங்கரா மருத்துவமனை (பம்மல்) உடன் இணைந்து MCRT 82 & MCLC 73 மூலம் நூறு இலவச கண்புரை அறுவை சிகிச்சைக்கு நிதியுதவி அளித்தன. மருத்துவமனைகளில் அனைத்து நோயாளிகளுக்கும் அன்னதானம் வழங்கப்பட்டது.

மெட்ராஸ் சென்ட்ரல் ரவுண்டேபிள் 82ன் தலைவர் ரத்தன் குமார் ஏற்பாடுகள் அனைத்தையும் செய்திருந்தார். பிரதம விருந்தினர்களாக ஏரியா 2 தலைவர்: சந்தோஷ் ராஜ் மற்றும் ஏரியா 2 தலைவி: மன்பிரீத் கலந்துகொண்டார்கள். மெட்ராஸ் சென்ட்ரல் லேடீஸ் சர்க்கிள் 73 மற்றும் மெட்ராஸ் சென்ட்ரல் ரவுண்ட் டேபிள் 82 உறுப்பினர்கள் , பள்ளி ஆசிரியர்கள், மாணவர்கள் கலந்து கொண்டனர்.