நடராஜர் குறித்து ஆபாச பதிவு: யூடியூப் சேனல் மீது நடவடிக்கை கோரி ஆர்ப்பாட்டம்

சிதம்பரம் நடராஜர் கோவில் குறித்தும், தில்லை காளி குறித்தும் ஆபாசமான வார்த்தைகளை யூ2 புரூட்ஸ் என்ற யூடியூப் சேனலில் பதிவு வெளியிட்ட விஜய் என்ற நபர் மீது நடவடிக்கை எடுக்க வலியுறுத்தி உலக சிவனடியார்கள் திருக்கூட்டம், நெல்லை மாவட்ட ஆட்சியர் அலுவலகம் முன்பு கண்டன ஆர்ப்பாட்டத்தில் ஈடுபட்டனர்.

இதில் யூ டூ புரூட்டஸ் யூடியூப் சேனல் மீது நடவடிக்கை எடுக்க வலியுறுத்தியும், வருங்காலங்களில் இந்து விரோத போக்கை கடைபிடிக்கும் நபர்கள் மீது சகல சட்ட நடவடிக்கை எடுக்க வலியுறுத்தியும் கண்டன கோஷங்கள் எழுப்பப்பட்டது. இந்த ஆர்ப்பாட்டத்தில் நூற்றுக்கணக்கான சிவனடியார்கள் திருவாசகப் பாடல்களைப் பாடி கலந்து கொண்டனர்.