தேசிய வாக்காளர் தினத்தை முன்னிட்டு ஆட்சியர் அலுவலகத்தில் உறுதிமொழி ஏற்பு

12வது தேசிய வாக்காளர் தினத்தை முன்னிட்டு ஆட்சியர் அலுவலகத்தில் உறுதிமொழி ஏற்கும் நிகழ்வு நடைபெற்றது.

புதுக்கோட்டை மாவட்ட ஆட்சியரகத்தில், 12-ஆவது தேசிய வாக்காளர் தினத்தை முன்னிட்டு, மாவட்ட ஆட்சித் தலைவர் கவிதாராமு, தலைமையில் வாக்காளர் உறுதிமொழியினை அனைத்து அலுவலர்களும் இன்று ஏற்றுக்கொண்டார்கள்.

வாக்காளர் உறுதிமொழியான, மக்களாட்சியின் மீது பற்றுடைய இந்தியக் குடிமக்களாகிய நாம், நம்முடைய நலன் கருதும் மரபுகளையும், சுதந்திரமான, நியாயமான மற்றும் அமைதியான தேர்தல்களின் மாண்பையும் நிலைநிறுத்துவோம் என்றும், மேலும் ஒவ்வொரு தேர்தலிலும் அச்சமின்றியும், மதம், இனம், சாதி, வகுப்பு, .மொழி ஆகியவற்றின் தாக்கங்களுக்கு ஆட்படாமலும் அல்லது எந்தவொரு தூண்டுதலுமின்றியும் வாக்களிப்போம் என்றும் உறுதி மொழிகிறோம் என்ற வாக்காளர் உறுதிமொழியினை மாவட்ட ஆட்சித் தலைவர் கவிதா ராமு, தலைமையில் அனைத்து அலுவலர்களும் ஏற்றுக்கொண்டனர்.

அதனைத் தொடந்து புதுக்கோட்டை மாவட்ட ஆட்சியரகத்தில், இளம் வாக்காளர்களுக்கு, வாக்காளர் அடையாள அட்டையினை மாவட்ட ஆட்சித்தலைவர் கவிதா ராமு, வழங்கினார்.

இதில், மாவட்ட வருவாய் அலுவலர் செல்வி, வருவாய் கோட்டாட்சியர் தண்டாயுதபாணி, மாவட்ட ஆட்சியரின் நேர்முக உதவியாளர் (பொது) தங்கவேல், துணை இயக்குநர் (சுகாதாரப் பணிகள்) அர்ஜுன்குமார் மற்றும் அலுவலர்கள் கலந்துகொண்டனர்.