காஞ்சிபுரம் புதிய நூலக கட்டட பணிகளை துவக்கி வைத்த எம்.எல்.ஏ எழிலரசன்

காஞ்சிபுரம் மாவட்ட நூலகத் துறை சார்பில் ஏகாம்பர நாதர் சன்னதி தெருவில் புகழ்பெற்ற நூலகம் அமைந்துள்ளது இதில் 8,000 பேர் உறுப்பினராகவும் 70க்கும் மேற்பட்ட பல்வேறு தலைப்பிலான புத்தகங்கள் உள்ளது. இது மட்டும் இல்லாமல் பல்வேறு வகையான தினசரி நாளிதழ்கள் வருவதால் பொதுமக்கள் வாசகர்கள் என அனைவரும் இதனை நாடி வருகின்றனர்.

அரசு போட்டித் தேர்வுகளை எதிர்கொள்ளும் மாணவர்களுக்கான நூலகத்தில் இணையதள வசதியும் இங்கு உள்ளது. தற்போது உள்ள நூலகம் இட வசதி குறைவு காரணமாக அதை விரிவு படுத்த வேண்டும் என சட்டமன்ற உறுப்பினர் எழிலரசனிடம் வாசகர்கள் கோரிக்கை வைத்தனர்.

இக்கோரிக்கையை ஏற்று 2020 - 21 தொகுதி மேம்பாட்டு நிதியில் இருந்து ரூபாய் 30 லட்சமும், பொது நிதியிலிருந்து ரூபாய் 30 லட்சம் ரூபாய் 60 லட்சம் மதிப்பில் புதிய கட்டிடம் கட்டுவதற்கான பணிகளை இன்று காலை பூமி பூஜை செய்து துவக்கி வைத்தார்.

இந்நிகழ்ச்சியில் நூலகர் அறிவரசு காஞ்சிபுரம் நகர திமுக செயலாளர் சண்முகம் , நகர அவைத்தலைவர் சந்துரு, இளைஞரணி அமைப்பாளர் யுவராஜ் , கமலக்கண்ணன் மற்றும் பொதுப்பணித்துறை கட்டடங்கள் அலுவலர்கள் உள்ளிட்டோர் கலந்து கொண்டனர்.