தருமபுரி, தொப்பூர், அரூர், சித்தேரி சுற்றியுள்ள பகுதிகளில் மிதமான மழை

தருமபுரி, தொப்பூர், அரூர், சித்தேரி மற்றும் அதனை சுற்றியுள்ள பகுதிகளில் மிதமான மழை பெய்தது.

தமிழகத்தில் சென்னை, வேலூர், ராணிப்பேட்டை, திருப்பத்தூர், கிருஷ்ணகிரி, தருமபுரி, சேலம், நாமக்கல், ஈரோடு, திருப்பூர், நீலகிரி, கோவை, பெரம்பலூர், திருச்சி, திண்டுக்கல், விருதுநகர், நெல்லை, தென்காசி, குமரி தேனி உள்ளிட்ட 23 மாவட்டங்களில் அடுத்து மூன்று மணி நேரத்திற்கு மிதமான மழைக்கு வாய்ப்புள்ளது என சென்னை வானிலை ஆய்வு மையம் தெரிவித்தது. தருமபுரி மாவட்டத்தில் கடந்த சில நாட்களுக்கு முன்பு இருந்தே கோடை மழை தொடர்ந்து பெய்து வந்தது. இந்நிலையில் ஒரு வாரமாக மழையில்லாமல் இருந்தது.

இந்நிலையில் இன்று மாலை தருமபுரி, அதியமான்கோட்டை, நல்லம்பள்ளி, தொப்பூர் மற்றும் அதனை சுற்றியுள்ள பகுதிகளில் மிதமான மழை பெய்தது. தொடர்ந்து நேற்று இரவும் இரவு அரூர், கொளகம்பட்டி, சித்தேரி மற்றும் அதனை சுற்றியுள்ள பகுதிகளில் மிதமான மழை பெய்தது. இதனால் கடந்த ஒரு வாரமாக வெப்பம் வீசி வந்த நிலையில், இன்று பெய்த மழையால், வெப்பம் தணிந்து, குளிர்ந்த சீதோஷ்ண நிலை ஏற்பட்டது. இதனால் பொதுமக்களும், விவசாயிகளும் மிகுந்த மகிழ்ச்சியடைந்துள்ளனர்.