அரியலூரில் இளைஞர் காங்கிரஸ் வேட்பாளர்கள் அறிமுகக் கூட்டம்

அரியலூரில் உள்ள காங்கிரஸ் கமிட்டி அலுவலகத்தில், இளைஞர் காங்கிரஸ் வேட்பாளர்கள் அறிமுகக் கூட்டம் நடைபெற்றது. கூட்டத்துக்கு அக்கட்சியின் மாவட்டத் தலைவர் சங்கர் தலைமை வகித்தார். மாநில துணைத் தலைவர் ஜி.ராஜேந்திரன் கலந்து கொண்டு, இளைஞர் காங்கிரஸ் தேர்தலில் மாநிலத் தலைவர் பதவிக்கு போட்டியிடும் வேட்பாளர் விச்சு(எ)லெனின்பிரசாத், மாவட்டத் தலைவர் பதவிக்கு போட்டியிடும் வேட்பாளர் எம்.கே.எஸ்.புகழ் ஆகியோரை அறிமுகப்படுத்தினார்.

வரும் நகரப்புற உள்ளாட்சித் தேர்தலில் அனைவரும் ஒற்றுமையாக இருந்து களப் பணியாற்றி வேட்பாளர்களை வெற்றிப் பெறச் செய்ய வேண்டும் என மாநில துணைத் தலைவர் ஜி.ராஜேந்திரன் தெரிவித்தார்.

வட்டாரத் தலைவர்கள் சீமான், திருநாவுக்கரசு,மனோகரன்,முத்துசாமி, சீனிவாசன் மற்றும் மாவட்ட துணைத் தலைவர்கள் தியாகராஜன், ராகவன்,பவானிசிவா,அந்தோணி ஆகியோர் முன்னிலை வகித்தனர். முன்னதாக நகர தலைவர் எஸ்.எம்.சந்திரசேகர் வரவேற்றார். முடிவில் மாவட்ட செய்தித் தொடர்பாளர் மா.மு.சிவக்குமார் நன்றி தெரிவித்தார்.