முன்னாள் முதலமைச்சர்காமராஜர் பிறந்த நாள்: பல்வேறு கட்சிகள் அமைப்பினர் மரியாதை

பெருந்தலைவர் காமராஜரின் பிறந்த நாளை முன்னிட்டு திருநெல்வேலி சந்திப்பில் உள்ள அவரது முழு உருவ சிலைக்கு அதிமுக, பாரதிய ஜனதா கட்சியினர் மாலை அணிவித்து மரியாதை செலுத்தினர்.

கல்விக்கண் திறந்த காமராஜர் பெருந்தலைவர் என்று மக்களால் போற்றப்படும் காமராஜர் அவர்களின் 120 வது பிறந்தநாள் இன்று கொண்டாடப்படுகிறது. கல்வி வளர்ச்சி நாளாக தமிழ்நாடு முழுவதும் அவரின் பிறந்தநாள் கொண்டாடப்பட்டு வரும் அதே வழியில் திருநெல்வேலி ரயில்வே சந்திப்பு நிலையம் முன்பு உள்ள அவரது முழு உருவ சிலைக்கு பல்வேறு அமைப்புகள், அரசியல் கட்சியினர் மாலை அணிவித்து மரியாதை செலுத்தினர்.

பாரதிய ஜனதா கட்சியின் சார்பில் அக்கட்சியின் சட்டமன்ற குழு தலைவர் நைனார் நாகேந்திரன் தலைமையில் பாரதிய ஜனதா கட்சியினர் காமராஜர் சிலைக்கு மாலை அணிவித்து மரியாதை செலுத்தினர். அதேபோன்று அதிமுகவின் சார்பில் கட்சியின் மாவட்ட செயலாளர் கணேச ராஜா தலைமையில் ஏராளமான அதிமுகவினர் காமராஜர் சிலைக்கு மாலை அணிவித்து மரியாதை செலுத்தினர். தொடர்ந்து காங்கிரஸ் கட்சியினர் மேளதாளம் பட்டாசு வெடித்து ஊர்வலமாக வந்து காமராஜர் சிலைக்கு மாலை அணிவித்து மரியாதை செலுத்தினர். இது தவிர பல்வேறு அமைப்புகளின் சார்பில் காமராஜர் சிலைக்கு மாலை அணிவித்து மரியாதை செலுத்தப்பட்டது.