இராமநாதபுரத்தில் உதயநிதி ஸ்டாலின் பிரச்சாரம்
இராமநாதபுரம் சட்டமன்ற தொகுதியில் திமுக சார்பில் போட்டியிடும் காதர்பாட்ஷா முத்துராமலிங்கத்தை ஆதரித்து திமுகவின் இளைஞரணி செயலாளர் உதய நிதிஸ்டாலின் இராமேஸ்வரத்தில் பிரச்சாரம் மேற்கொண்டார். அப்போது அவர் மக்கள் மத்தியில் பேசும்போது மதுரைக்கு 72 கோடி ரூபாய் மதிப்பீட்டில் எய்ம்ஸ் மருத்துவமனை கொண்டுவந்தது அதிமுகவின் சாதனை என சொல்லிக் கொண்டு உள்ளார்கள். நான் அங்கு சென்று பார்த்தேன் மிகப் பிரம்மாண்ட சுற்று சுவர் மட்டுமே இருந்தது. உள்ளே சென்று பார்த்தால் ஒற்றை செங்கல் மட்டுமே இருந்தது. அதையும் நான் எடுத்து வந்து விட்டேன். தற்பொழுது அவர்கள் மருத்துவ மனையை காணவில்லை என கடந்த 2 தினங்களாக தேடிக் கொண்டுள்ளனர். என செங்கல் கல்லை எடுத்து மக்களிடம் காட்டினார்.
மீனவர்களுக்கு தடைக்கால நிவாரண நிதியை எட்டாயிரம் ரூபாய் வழங்கப்படும் என்றும் மீனவர்கள் பழங்குடியினர் பட்டியலில் சேர்க்கப் படுவீர்கள் என்றும் திமுக தேர்தல் அறிக்கையில் தெரிவிக்கப்பட்டுள்ளது. இது எல்லாம் நடக்க வேண்டும் என்றால் வருகின்ற ஆறாம் தேதி உதயசூரியன் சின்னத்தில் நீங்கள் அழுத்தும் பட்டன் மோடிக்கும், பழனிச்சாமிக்கு தலையில் கொட்டும் கொட்டாக இருக்கும் என தெரிவித்தார்.