சாக்கடையை சுத்தம் செய்த வேட்பாளர்

புதுக்கோட்டை சந்தப்பேட்டை பகுதியில் துப்புரவு பணியாளர்களுடன் துப்புரவு பணி செய்து திமுக வேட்பாளர் முத்துராஜா வாக்கு சேகரித்தார்.

புதுக்கோட்டை சட்டமன்ற தொகுதிக்கு திமுக சார்பில் முத்துராஜா போட்டியிடுகிறார். இவர் தேர்தல் பிரச்சாரத்தில் ஈடுபடும் போது பல்வேறு வித்தியாசமான முறையில் பிரச்சாரம் செய்து பொதுமக்களிடம் தீவிரமாக வாக்கு சேகரிக்கும் பணியில் ஈடுபட்டு வருகிறார். அதன்படி இன்று புதுக்கோட்டை நகராட்சிக்கு உட்பட்ட தொண்டைமான்நகர் சந்தப்பேட்டை உள்ளிட்ட பகுதிகளில் பிரச்சாரத்தில் ஈடுபடும் பொழுது துப்புரவு பணியாளர்கள் இருக்கும் பகுதியில் பிரச்சாரம் மேற்கொண்ட திமுக வேட்பாளர் முத்துராஜா துப்புரவு பணியாளர்களோடு அந்த பகுதியில் உள்ள சாக்கடையை சுத்தம் செய்து துப்புரவு பணியாளர்கள் மற்றும் பொதுமக்களிடம் வாக்குகள் சேகரித்தார்.இவருடைய செயல்பாட்டை பார்த்த அப்பகுதி பொதுமக்கள் மிகுந்த மகிழ்ச்சி அடைந்து கண்டிப்பாக உதயசூரியன் சின்னத்தில் நாங்கள் வாக்களிப்போம் என பொதுமக்கள் அவருக்கு உத்தரவாதம் அளித்தனர்.