அஜித்தின் வலிமை திரைப்படம் ரிலீஸ்:ஆட்டம் பாட்டத்துடன் கொண்டாடிய ரசிகர்கள்

அஜித்தின் வலிமை திரைப்படம் வெளியீடு ஆட்டம் பாட்டத்துடன் ரசிகர்கள் கொண்டாடினர்.

இந்திய அளவில் மிகவும் எதிர்பார்த்துக் கொண்டிருந்த வலிமை திரைப்படம் வியாழக்கிழமை தமிழகம் மற்றும் அனைத்து மாநிலங்களிலும் ஒரே நேரத்தில் வெளியிடப்பட்டுள்ளது. இதனால் ரசிகர்கள் மிகவும் மகிழ்ச்சி அடைந்து அவருடைய திரைப்படத்தை காண்பதற்கு பல்வேறு மாநிலங்களில் உள்ள திரையரங்குகளில் காலை முதலே ரசிகர்கள் குவிந்து பட்டாசுகள் வெடித்தும் மேளதாளங்கள் முழங்க படத்தை வரவேற்று கொண்டாடி வருகின்றனர்.

அதன் ஒரு பகுதியாக புதுக்கோட்டையில் வலிமை திரைப்படம் நான்கு திரையரங்குகளில் வெளியிடப்பட்டுள்ளது.காலை 4 மணி முதல் திரையரங்குகளில் காட்சிகள் ஒளிபரப்பப்பட்டு உள்ளதால் விடியற்காலை முதல் ரசிகர்கள் கூட்டம் கூட்டமாக திரையரங்குகளில் படத்தை கண்டு ரசித்து வருகின்றனர்.மேலும் இன்று புதுக்கோட்டை சாந்தி தியேட்டரில் 10.30 மணி காட்சியை காண்பதற்காக வந்த ரசிகர்கள் மேளதாளங்கள் முழங்க பட்டாசுகள் வெடித்து ஆட்டம் பாட்டத்துடன் திரையரங்கத்தில் படத்தை கண்டு ரசித்து வருகின்றனர். முழு ஊரடங்கு தளர்வுக்குப் பிறகு ரசிகர்கள் எதிர்பார்த்த வலிமை திரைப்படம் திரையரங்கில் வெளியிட்டுள்ளதால் திரையரங்குகளில் தற்போது கூட்டம் கூட்டமாக பொதுமக்கள் ரசிகர்களும் குவிந்து வருகின்றனர்.