அரியலூர் மாவட்டத்தில் ஊட்டம் தரும் காய்கறித் தோட்ட திட்டம்

தமிழ்நாடு முதலமைச்சர் 6.12.2021 அன்று சென்னை தலைமைச் செயலகத்தில் வேளாண்மை மற்றும் உழவர் நலத்துறை சார்பில் முதலமைச்சரின் ஊட்டம் தரும் காய்கறி தோட்டத்திட்டத்தின் கீழ் ரூ.225 மானிய விலையில் மாடித்தோட்டத் தளைகளையும், ஊரகப்பகுதிகளில் காய்கறித் தோட்டம் அமைப்பதை ஊக்குவிப்பதற்காக ரூ.15-க்கு 12 வகை காய்கறி விதைத்தளைகளையும் நோய் எதிர்ப்புசக்தியை மேம்படுத்த ஊட்டச்சத்துத் தளைகளையும் பயனாளிகளுக்கு வழங்கி தொடங்கி வைத்தார்.

அந்த வகையில் தமிழ்நாடு முதலமைச்சரின் அறிவுறுத்தலுக்கிணங்க, அரியலூர் மாவட்டத்தில் ஊட்டம் தரும் காய்கறித் தோட்டம் திட்டம் சிறப்பாக செயல்படுத்தப்பட்டு வருகிறது. இதன்படி, அரியலூர் மாவட்டத்தில் ரூ.3.37 இலட்சம் மதிப்பில் 500 எண்கள் மாடித்தோட்டத் தளைகள் ரூ.1.35 இலட்சம் மதிப்பில் 3,000 எண்கள் காய்கறி விதைகள் அடங்கிய தளைகள் மற்றும் ரூ.3 இலட்சம் மதிப்பில் 4,000 எண்கள் ஊட்டச்சத்து செடிகள் அடங்கிய தளைகள் மானியத்தில் வழங்கப்பட்டுள்ளன. இதன் பயனாக இத்திட்டத்தின்கீழ் அரியலூர் மாவட்டத்தில் மட்டும் 4,200 பயனாளிகள் பயன்பெற்றுள்ளனர். இதனை அரியலூர் மாவட்ட விவசாயிகள் உரிய முறையில் பயன்படுத்திக்கொள்ள வேண்டும் என மாவட்ட கலெக்டர் பெ.ரமண சரஸ்வதி தெரிவித்துள்ளார்.