பட்டாசு விற்பனை உரிமத்திற்கு விண்ணப்பிக்க பெரம்பலூர் கலெக்டர் வேண்டுகோள்

எதிர்வரும் 04.11.2021 அன்று தீபாவளி பண்டிகை கொண்டாடப்பட உள்ளது. இதையொட்டி பெரம்பலூர் மாவட்டத்தில், புதிய தற்காலிக பட்டாசு சில்லறை வணிகம் செய்ய, இருப்பு வைத்துக்கொள்ள உரிமம் கோரும் விண்ணப்பங்களை இ-சேவை மையங்களில் இணையதளம் மூலம், வெடிமருந்து சட்டம் மற்றும் விதிகள் 2008-க்குட்பட்டு, உரிய ஆவணங்களுடன் 30.09.2021-க்குள் விண்ணப்பித்துக் கொள்ள தொரிவிக்கப்பட்டிருந்த நிலையில், தற்போது கால அவகாசம் 22.10.2021 வரை நீட்டிக்கப்பட்டுள்ளது.

எனவே, புதிய தற்காலிக பட்டாசு சில்லறை வணிகம் செய்ய உரிமம் கோரும் விண்ணப்பங்களை இ-சேவை மைங்களில் இணையதளம் வாயிலாக 22.10.2021-க்குள் விண்ணப்பிக்குமாறும், குறிப்பிட்ட காலத்திற்கு பின்னர் அளிக்கப்படும் விண்ணப்பங்கள் ஏற்றுக் கொள்ளப்பட மாட்டாது எனவும் மாவட்ட ஆட்சியர் ப.ஸ்ரீவெங்கடபிரியா தெரிவித்துள்ளார்.