நாகை கலெக்டரிடம் நான் ஒரு ஐ.ஏ.எஸ். என கூறி வியப்பை ஏற்படுத்திய சிறுவன்
நானும் ஐ.ஏ.எஸ் அதிகாரிதான் என நாகை மாவட்ட ஆட்சியரிடம் தைரியமாக பேசிய சிறுவனால் பரபரப்பு ஏற்பட்டது.
HIGHLIGHTS
நாகை கலெக்டரிடம் நானும் ஒரு ஐ.ஏ.எஸ்.தான் பேசிய சிறுவன்.
உலக மகளிர் தினத்தை முன்னிட்டு நாகை ஆயுதப்படை மைதானத்தில் மகளிர் தின விளையாட்டு போட்டிகள் நடைபெற்றது. நாகை மாவட்ட ஆட்சியர் அருண் தம்பு ராஜ் தலைமையில் நடைபெற்ற நிகழ்ச்சியில், நாகை சுற்றுவட்டார பகுதிகளை சிறந்த ஏராளமான பெண்கள் பங்கேற்று வாலிபால் உள்ளிட்ட விளையாட்டு போட்டிகளில் ஆர்வத்துடன் பங்கேற்றனர்.
போட்டியில் பங்கேற்க வரிசையாக நின்ற போட்டியாளர்களுக்கு கை குலுக்கியடி நாகை மாவட்ட ஆட்சியர் அருண் தம்பு ராஜ் வாழ்த்து தெரிவித்து வந்தார். அப்போது இடையில் நின்ற சிறுவன் கவின்மாறன் வணக்கம் என கூறி, நானும் ஐ..ஏ.எஸ் அதிகாரிதான் என்று மாவட்ட ஆட்சியரை தெறிக்க விட்டான். இதனால் மகிழ்ச்சி அடைந்த ஆட்சியர் சிறுவனை அழைத்து பேசினார்.
மாவட்ட ஆட்சியரிடம் நேரடியாக பேசிய சிறுவன், நான் கவின்மாறன் IAS என்றும், நானும் உங்களை போல ஐ.ஏ.எஸ் அதிகாரிதான் என்று பேசினான். மாவட்ட ஆட்சியரை நேரடியாக பார்த்து சிறுவன் பேசியதை கண்ட அங்கிருந்தவர்கள் கைதட்டி வாழ்த்து தெரிவித்தனர். மேலும், சிறுவன் மாவட்ட ஆட்சியரிடம் நேரடியாக பேசிய வீடியோ காட்சிகள் சமூக வலை தளங்களில் வைரலாக பரவி வருகிறது.
