நாகையில் உதயநிதி ஸ்டாலின் பிறந்தநாளையொட்டி இலவச பொது மருத்துவ முகாம்

தி.மு.க. இளைஞர் அணி செயலாளரும் திருவல்லிக்கேணி சட்டமன்ற உறுப்பினருமான உதயநிதி ஸ்டாலின் பிறந்த நாளை முன்னிட்டு நாகப்பட்டினம் மாவட்ட இளைஞரணி சார்பில் பொது மருத்துவ முகாம் நடைபெற்றது. நாகப்பட்டினம் தனியார் மண்டபத்தில் நடைபெற்ற மருத்துவ முகாமை நாகை மாவட்ட பொறுப்பாளரும் மீன் வளர்ச்சிக் கழகத் தலைவருமான கௌதமன் தொடங்கி வைத்தார்.

மருத்துவ முகாமில் சர்க்கரை நோய் பொது மருத்துவம், எலும்பு மற்றும் நரம்பியல், பல் மருத்துவர்கள் உட்பட 20க்கும் மேற்பட்ட மருத்துவர்கள் கலந்து கொண்டு பொதுமக்களுக்கு சிகிச்சை அளித்தனர். மேலும் மேல் சிகிச்சைக்கு பரிந்துரைக்கப்பட்டவர்களுக்கு நாகை மாவட்ட தி.மு.க. இளைஞரணி சார்பில் சிறப்பு மருத்துவமனையில் சிகிச்சை அளிக்கப்பட உள்ளதாக மீன் வளர்ச்சிக் கழகத் தலைவர் கௌதமன் தெரிவித்தார்.