இன்று சபரிமலை ஐயப்பன் கோவில் நடை திறப்பு

ஐயப்பன் கோவீல் மண்டல கால விசேஷ பூஜைகள், 2023ம் ஆண்டு நடைதிறப்பு விவரம் வருமாறு:

Sabarimala Temple Today News -மண்டல பூஜைக்காக, சபரிமலை அய்யப்பன் கோவிலில் இன்று (புதன்கிழமை) மாலை நடை திறக்கப்படுகிறது.

கார்த்திகை முதல் தேதி நாளை (வியாழக்கிழமை) பிறக்கிறது. ஐயப்ப பக்தர்கள் நாளை முதல் மாலை அணிந்து, தங்களது விரதத்தை துவங்குகின்றனர்.

அடுத்த மாதம் (டிசம்பர்) 27-ம் தேதி மண்டல பூஜை நடக்கிறது. மகரவிளக்கு பூஜைக்காக டிசம்பர் 30-ம் தேதி நடை திறக்கப்படும். அடுத்த ஆண்டு (2023) ஜனவரி 14-ம் தேதி மகரவிளக்கு பூஜை நடைபெறும். 20-ம் தேதி பந்தளம் ராஜ குடும்ப பிரதிநிதியின் சிறப்பு தரிசனத்திற்கு பின் கோவில் நடை அடைக்கப்படும். பின்னர் மாசி மாத பூஜைக்காக பிப்ரவரி 12-ம் தேதி நடை திறக்கப்பட்டு 5 நாட்கள் பூஜைக்கு பின்னர் 17-ம் தேதி அடைக்கப்படும். பங்குனி மாத பூஜைக்காக மார்ச் 14-ம்தேதி நடை திறக்கப்பட்டு 19-ம்தேதி அடைக்கப்படும்.

அதைத்தொடர்ந்து, பங்குனி ஆராட்டு விழாவை முன்னிட்டு மார்ச் 26-ம் தேதி நடை திறக்கப்படும். 27-ம் தேதி காலை 9 மணிக்கு திருவிழா கொடியேற்றத்துடன் தொடங்கும். ஏப்ரல் 5-ம் தேதி ஆராட்டுடன் விழா நிறைவு பெறும். சித்திரை மாத பூஜைக்காக ஏப்ரல் 11-ம் தேதி நடை திறக்கப்படும். 15-ம் தேதி விஷு பண்டிகை சிறப்பு பூஜை நடைபெறும். அதை தொடர்ந்து 19-ம் தேதி நடை அடைக்கப்படும்.

வைகாசி மாத பூஜைக்காக மே மாதம் 14-ம்தேதி நடை திறக்கப்பட்டு, 19-ம்தேதி அடைக்கப்படும். பிரதிஷ்டை தினத்தை முன்னிட்டு மே 29-ம் தேதி நடை திறக்கப்படும். 30-ம்தேதி பிரதிஷ்டை சிறப்பு வழிபாடுகள் நடைபெறும். ஆனி மாத பூஜைக்காக ஜூன் 15-ம் தேதி நடை திறக்கப்பட்டு 20-ம் தேதி அடைக்கப்படும். ஆடி மாத பூஜைக்காக ஜூலை 16-ம்தேதி நடை திறக்கப்பட்டு 21-ம்தேதி அடைக்கப்படும். ஆவணி மாத பூஜைக்காக ஆகஸ்டு 16-ம் தேதி நடை திறக்கப்பட்டு 21-ம் தேதி அடைக்கப்படும்.

ஒணம் பண்டிகை சிறப்பு பூஜைக்காக ஆகஸ்டு 27-ம் தேதி நடை திறக்கப்பட்டு 31-ம் தேதி அடைக்கப்படும். புரட்டாசி மாத பூஜைக்காக செப்டம்பர் 17-ம் தேதி நடை திறக்கப்பட்டு 22-ம் தேதி அடைக்கப்படும். ஐப்பசி மாத பூஜைக்காக அக்டோபர் 17-ம் தேதி நடை திறக்கப்பட்டு 22 -ம் தேதி அடைக்கப்படும். சித்திரை திருநாள் மகாராஜா பிறந்த நாளையொட்டி, நவம்பர் 10 -ம்தேதி நடை திறக்கப்படும். 11-ம்தேதி சிறப்பு பூஜைகளுக்கு பின் நடை அடைக்கப்படும். பின்னர் 2024-ம் ஆண்டுக்கான மண்டல சீசன் நவம்பர் 16-ம் தேதி தொடங்கி நடைபெறும்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2