அரசு ஆரம்ப சுகாதார நிலையத்தை ஆய்வு செய்த புதுக்கோட்டை எம்எல்ஏ முத்துராஜா

அரசு ஆரம்ப சுகாதார நிலையத்தை புதுக்கோட்டை எம்எல்ஏ டாக்டர் வை. முத்துராஜா ஆய்வு செய்தார்.

புதுக்கோட்டை மாவட்டத்தில் வடகிழக்கு பருவமழை துவங்கியதையடுத்து பல்வேறு இடங்களில் மழைநீர் சூழ்ந்ததால் இந்தப் பகுதிகளில் புதுக்கோட்டை சட்டமன்ற உறுப்பினர் மருத்துவர் முத்துராஜா, நேரடியாக சென்று ஆய்வு பணியை மேற்கொண்டு பொதுமக்கள் தேவையான அடிப்படை வசதிகளை ஏற்படுத்திக் கொடுத்து வருகிறார்.

அதன் ஒரு பகுதியாக இன்று புதுக்கோட்டை சட்டமன்ற தொகுதி புதுக்கோட்டை ஒன்றியத்துக்குள்பட்ட, வாராப்பூர் அரசு ஆரம்ப சுகாதார நிலையத்தை நேரில் சென்று ஆய்வு செய்து மக்களின் குறைகளை கேட்டறிந்தார்.அதேபோல் ஆரம்ப சுகாதார நிலையத்தில் பழுதான கட்டிடத்தை பார்வையிட்டு, விரைவில் சரி செய்து தருமாறு உரிய அதிகாரிகளிடம் அறிவுறுத்தினார். இந்த நிகழ்வில், அரசு அதிகாரிகள் மருத்துவர்கள் மற்றும் ஒன்றிய செயலாளர் இராமகிருஷ்ணன், ஊராட்சி மன்ற செயலாளர் தனபால், கவுன்சிலர் வெண்ணிலா கருப்பையா, மணிமாறன் உள்ளிட்ட பலர் உடனிருந்தனர்.