குற்ற வழக்குகளில் கைப்பற்றப்பட்டு பறிமுதல் செய்யப்பட்ட வாகனங்கள் பொது ஏலம்

பெரம்பலூர் மாவட்டத்தில் மதுவிலக்கு குற்ற வழக்குகளில் கைப்பற்றப்பட்டு, பறிமுதல் செய்யப்பட்ட 44 இருசக்கர வாகனங்கள், 1 மூன்று சக்கர வாகனம் (ஆட்டோ) மற்றும் 4 நான்கு சக்கர வாகனங்கள் என மொத்தம் 49 வாகனங்கள் 8.09.2021 அன்று காலை 11 மணி முதல் ஆயுதப்படை வளாகத்தில், பெரம்பலூர் மாவட்ட காவல் கண்காணிப்பாளர் மற்றும் மாவட்ட கூடுதல் காவல் கண்காணிப்பாளர் மதுவிலக்கு ஆகியோர் முன்னிலையில் பொது ஏலத்தில் விடப்பட உள்ளது.

பெரம்பலூர், அரியலூ,ர் திருச்சி மற்றும் தஞ்சாவூர் மாவட்டத்தை சேர்ந்தவர்களும், பிற மாவட்டத்தைச் சேர்ந்தவர்களும் ஏலத்தில் கலந்து கொள்ளலாம். மேலும் விவரங்களுக்கு, கூடுதல் காவல் கண்காணிப்பாளர் மதுவிலக்கு அமல்பிரிவு பெரம்பலூர் மாவட்ட அலுவலகத்தில் நேரிலோ அல்லது 04328 225 023 மற்றும் 94981 49123 என்ற தொலைபேசி எண்களில் தொடர்பு கொண்டு தெரிந்துகொள்ளலாம். ஏலத்தில் கலந்து கொள்பவர்கள், இரண்டு மற்றும் மூன்று சக்கர வாகனங்களுக்கு ரூ.5,000மும், நான்கு சக்கர வாகனங்களுக்கு ரூ.10,000மும் வைப்புத் தொகை செலுத்தி, தங்களது பெயர் மற்றும் முகவரியை பதிவு செய்து கொள்ள வேண்டும். ஏலத்தில் கலந்து கொள்ள வருபவர்களுக்கு அடையாள எண் கொண்ட வில்லை வழங்கப்படும். பதிவு செய்து கொண்டவர் மட்டுமே ஏலத்தில் கலந்து கொள்ளலாம்.

ஏலம் எடுப்பவரைத்தவிர பிறருக்கு அனுமதி இல்லை. வாகனத்தை அதிகபட்ச விலைக்கு ஏலத்தில் எடுத்தவர் ஏலத்தொகையுடன் GST சேர்த்து பிற்பகல் 3 மணிக்குள் உரிய அலுவலரிடம் செலுத்தி வாகனத்தை பெற்றுக்கொள்ள வேண்டும். காப்பீட்டு தொகை கழித்துக் கொள்ளப்படும். வாகனத்தை ஏலம் எடுத்தவர், உரிய தொகையை செலுத்த தவறினால் காப்பீட்டு தொகை திருப்பித் தரப்படமாட்டாது. ஏலம் ரூ.100ன் மடங்கில் கேட்கப்பட வேண்டும்.

வாகனத்துடன் வாகனம் ஏலத்தில் எடுத்ததற்கான சான்று மட்டுமே வழங்கப்படும். வாகனத்தின் பதிவு சான்று வழங்க இயலாது. ஏல நடவடிக்கைகள் அனைத்தும் ஏலக்குழு அலுவலர்களால் முடிவு செய்யப்படும். பொது ஏலத்தில் காவல் துறை சார்ந்த எவரும் கலந்து கொள்ள அனுமதி இல்லை. வாகனங்களை 07.09.2021 அன்று பகல் 12 மணி முதல் பார்வையிடலாம். ஏலத்தில் கலந்து கொள்ள வருபவர்கள், தங்களது ஆதார் அடையாள அட்டையை தவறாமல் கொண்டு வர வேண்டும் என கூடுதல் காவல் கண்காணிப்பாளர் சுஜாதா தகவல் தெரிவித்துள்ளார்.