விதிமுறையை மீறி அதிகபாரம் ஏற்றிச்சென்ற டிப்பர் லாரிகளுக்கு அபராதம்.

பெரம்பலூர் பகுதிகளில் கனரக லாரிகளில் அதிக பாரம் ஏற்றிச் செல்வதாக வட்டாரப் போக்குவரத்து அலுவலருக்கு புகார் வந்தது. இதையடுத்து, வட்டாரப் போக்குவரத்து அலுவலர் பழனிசாமி, மோட்டார் வாகன ஆய்வாளர் செல்வகுமார் பெரம்பலூர்- அரியலூர் சாலையில் வாகன சோதனையில் ஈடுபட்டனர். அப்போது, அனுமதிக்கப்பட்ட அளவுக்கும் அதிகமாக பாரம் ஏற்றிச்சென்ற 5 டிப்பர் லாரிகள் பறிமுதல் செய்யப்பட்டு, ரூ. 2.50 லட்சம் அபராதம் விதிக்கப்பட்டது. மேலும், வரி செலுத்தாமல் இயக்கப்பட்ட ஜே.சி.பி வாகனத்துக்கு ரூ. 1 லட்சம் அபராதம் விதிக்கப்பட்டது.