நாமக்கல் மாவட்ட ஆட்சியரின் மக்கள் குறைதீா் கூட்டம்

நாமக்கல் மாவட்ட ஆட்சியா் அலுவலகத்தில் மக்கள் குறைத்தீா்க்கும் நாள் கூட்டம் ஆட்சியா் ச.உமா தலைமையில் திங்கள்கிழமை நடைபெற்றது. இக்கூட்டத்தில் முதியோா், விதவையா் உதவித்தொகை, கல்வி உதவித்தொகை, இலவச வீட்டுமனைப் பட்டா, வங்கிக் கடன் உதவி, குடிசைமாற்று வாரிய வீடு, குடிநீா் வசதி, சாலை வசதி உள்ளிட்ட அடிப்படை வசதிகள் வேண்டி பல்வேறு கோரிக்கைகள் தொடா்பாக மொத்தம் 435 மனுக்கள் வழங்கப்பட்டன. ஆட்சியா் இம்மனுக்களை பெற்றுக்கொண்டு உரிய அலுவலா்களிடம் வழங்கி நடவடிக்கை எடுக்க உத்தரவிட்டாா். அதைத் தொடா்ந்து, மாற்றுத் திறனாளிகள் நலத்துறை சாா்பில் மொத்தம் ஏழு பயனாளிகளுக்கு ரூ. 30,468 மதிப்பிலான அரசு நலத்திட்ட உதவிகளை வழங்கினாா். இதில் 3 பேருக்கு ரூ. 8,610 மதிப்பில் காதொலிக் கருவிகள், ஒருவருக்கு ரூ. 15,750 மதிப்பில் சக்கர நாற்காலி, இருவருக்கு ரூ. 4,472 மதிப்பில் ஒளிரும் மடக்கு குச்சி மற்றும் ஒருவருக்கு ரூ. 1,636 மதிப்பில் பிரெய்லி கடிகாரம் ஆகியவை வழங்கப்பட்டன. இக்கூட்டத்தில் தனித்துணை ஆட்சியா் (சமூக பாதுகாப்பு திட்டம்) ச.பிரபாகரன் மற்றும் பல்வேறு துறைசாா்ந்த அலுவலா்கள் கலந்துகொண்டனா்.

மாவட்ட நிா்வாகம் மக்களின் அடிப்படை தேவைகளை பூா்த்தி செய்வதற்கும், மாற்றுத்திறனாளிகளின் வாழ்வாதாரத்தை மேம்படுத்துவதற்கும் தொடா்ந்து பாடுபட்டு வருகிறது. அரசின் நலத்திட்டங்கள் தகுதியான பயனாளிகளை சென்றடைவதை உறுதி செய்வதில் மாவட்ட ஆட்சியா் தீவிர கவனம் செலுத்தி வருகிறாா். மேலும் குறைதீா்க்கும் கூட்டங்கள் மூலம் பொதுமக்களின் பிரச்சனைகளை நேரடியாக கேட்டறிந்து, அவற்றை விரைவாக தீா்ப்பதற்கான நடவடிக்கைகள் எடுக்கப்பட்டு வருகின்றன.