செங்கோட்டை - திருநெல்வேலி முன்பதிவு இல்லாத ரயில்: பயணிகள் மகிழ்ச்சி

சிறப்பு ரயில் இயக்கம் குறித்து, தெற்கு ரயில்வே வெளியிட்ட அறிக்கை: செங்கோட்டை - திருநெல்வேலி பயணிகள் சிறப்பு விரைவு ரயில், 1.11.2021அன்று இயங்க உள்ளது. இந்த சிறப்பு முன்பதிவில்லாத ரயிலானது செங்கோட்டையில் இருந்து காலை 6.45 மணிக்கு புறப்பட்டு, திருநெல்வேலி 8.40 வந்து சேரும்; மறு மார்க்கமாக மாலை 6.10 க்கு திருநெல்வேலில் இருந்து புறப்பட்டு, செங்கோட்டை க்கு இரவு 8.20 மணிக்கு சென்றடையும்.

இந்த சிறப்பு ரயிலானது, திருநெல்வேலி டவுன். பேட்டை. சேரன்மகாதேவி. கல்லிடைக்குறிச்சி. அம்பாசமுத்திரம். ஆழ்வார்குறிச்சி. கீழக்கடையம். மேட்டூர். பாவூர்சத்திரம். தென்காசி ஆகிய ரயில் நிலையங்களில் மட்டுமே நின்று செல்லும். இந்த ரயிலில் குறைந்த கட்டணம் 30 ரூபாய்.என நிர்ணயம் செய்யப்பட்டுள்ளது என்று தெரிவிக்கப்பட்டுள்ளது.

கடந்த 19 மாத இடைவெளிக்கு பிறகு, முன்பதிவு இல்லாத சிறப்பு ரயில் இயக்கப்படுவதால், தென்காசி, திருநெல்வேலி மாவட்ட மக்கள் மகிழ்ச்சி அடைந்துள்ளனர்.