தொழிற்பயிற்சி பெற ஆர்வமா? தகுதியான மாணவர்கள் விண்ணப்பிக்கலாம்

தமிழ்நாடு அரசு போக்குவரத்துக் கழகம் (கும்பகோணம்) லிட்., கும்பகோணம் சார்பில், தொழில் பழகுநர் பயிற்சி வாரியம் (தென் மண்டலம்) இணைந்து மூலமாக பயிற்சி அளிக்கப்பட உள்ளது. தகுதியான பொறியியல் பட்டம் மற்றும் பட்டயப்படிப்பு (இயந்திரவியல்/தானியங்கிவியல்) 2019, 2020 மற்றும் 2021ம் ஆண்டுகளில் தேர்ச்சி பெற்ற தமிழக மாணவர்களிடம் இருந்து ஒரு வருட தொழிற்பயிற்சிக்காக தொழிற்பயிற்சி சட்டத்தின் கீழ் விண்ணப்பங்கள் இணையதளம் வழியாக (Online) வரவேற்கப்படுகின்றன.

மேலும் விவரங்களுக்கு, https://www.boat-srp.com/ (News & Events Column) என்ற இணையதளத்தை பார்வையிடலாம். மேலும் இணையதளம் மூலமாக விண்ணப்பிக்க 16.10.2021 கடைசி நாள் ஆகும் என போக்குவரத்துக் கழக பொது மேலாளர் சத்தியவேல் அவர்கள் தெரிவித்துள்ளார்.